#ParentLicenses1481

我曾經喺某間畫室做receptionist

嗰區好多所謂中產家長成日以為自己有錢大晒，妄想隨時可以調堂，有時明明schedule都full晒，就吩咐我叫其他家長退出讓位俾佢啲仔女上堂

其實其他人都係畀同樣嘅錢，你啲仔女時間就寶貴啲嘅？

除咗以上經常發生嘅事外，以下哩兩件事令我感受最深刻

首先第一件事，某日我送啲小朋友出教室，突然有個小朋友笑住同我講：「Mammy話你人工好低，無前途無出息呀姐姐」

我當下勁無奈，邊有阿媽咁教人睇低人哋職業？！

之後我忍唔住同佢老母講：「我人工係唔高，但我又唔係殺人放火，點解你做人老母可以咁灌輸個細路啲咁嘅概念？你自己無家教都唔使咁教個細路㗎！」

佢老母一句得埋嚟：「咁你做哩啲工係低賤呀嘛，我先唔想啲仔女好似你咁」

我忍唔住喺佢仔女面前鬧佢，最後仲收到投訴，就俾腦細炒魷魚?

另一件事，有對姊弟帶咗屋企嘅狗狗落嚟，當時佢父母唔喺度，只得工人姐姐喺度

我留意到隻狗皮包骨，嚴重營養不良。當我想摸佢嗰時，佢仲驚到腳震。隻狗唔想跟嗰對姊弟行時，個家姐竟一拳打落隻狗個頭度，隻狗痛到叫

我即刻同佢兩姊弟講：「唔可以咁樣對狗仔，佢都會痛，佢有感覺㗎」

點知佢家姐一句令我勁心寒：「Mammy話佢死咗咪買過隻畀我囉，有咩問題呀？」

可恨我當時電話唔喺身，如果唔係實錄低佢哋打隻狗，再舉報佢！如果佢父母喺度，我更會屌到佢哋仆街

你老味！動物都係生命嚟，調返轉佢哋老豆老母都唔會生個兩姊弟出嚟，唔畀飯佢哋食，日日打鳩佢哋，之後死撚咗再生啦！

有啲嘢唔係用錢就解決就得㗎，你價值觀有問題唔該唔好生小朋友啦，製造更多仆街出嚟

又唔係超級有錢，以為自己成家好撚威、好撚型，我屌晒嗰區嗰班自以為是嘅家長（唔係全部呀，有啲家長都好有禮貌㗎），如果無錢你哋咩都唔係呀！咁扭曲就唔該唔好害下一代啦！

讀者投稿@有錢唔見得你人格高尚