#ParentLicenses1843

上個星期，我同我老公同埋3歲嘅仔玩完一日返屋企，喺電梯大堂遇到同座住客一家五口，當中五口有一個估計年約兩歲嘅小朋友

由於住同一座，我們通常都會主動打招呼，雖然我阿仔見到陌生人好多時都冇乜反應，但係會同對方揮揮手。大家都講一聲Hello之後……

對方媽媽突然用英文問自己小朋友：「What color is 哥哥 balloon？」
係，我哋啱啱去完餐廳，餐廳送了個黃色氣球俾我阿仔
小朋友答佢：「yellow……」

續問：「What color is 哥哥 shirt？」
小朋友再答：「Green……」

再問：「What color is 哥哥 mask？」
小朋友又答：「Blue……」

跟住咁啱?門打開，佢哋入去先。由於唔夠位入，我哋一家等下一部?。入到?，我同老公對望，然後呆咗同苦笑了一下?

我老公：「嗰個阿媽一定覺得自己好『型』，覺得自己阿仔係人生勝利組」

我認為同細路講英文或者英文入面夾雜中文，其實都冇問題，但係個媽媽俾我覺得佢做咗一個唔好的身教示範，就係如何展現自己的社交技巧。一般來說，同新相識的朋友或者是鄰居，大可互相問及一啲無關痛養的事情（即「寒暄」）。然而，個媽媽其實拎咗我個仔嚟展現自己同埋自己個小朋友有幾叻，我覺得在第一次見到鄰居/朋友其實唔係好適合

香港教育制度無時無刻都充滿這種競爭性，實在太可怕！希望以小小故事一則，家長可互相提點一下啦！

讀者投稿@Chung