#ParentLicenses2683

睇到最近篇偏心文後，我想起我自己。我爸爸偏心我大妹，大妹生得可愛又好講得，簡直點中爸爸死穴（如果我是爸爸我也會偏心她）。諸多偏心事例不用多言，也不過於零用錢她多我少，爸爸見到她會哄她，見到我只會講「長姐如母，萬事忍讓細的」，其實我也只是大她一歲而已。他不是不會愛孩子，他只是不愛我而已。不用懷疑，我們是親生的，我同他一個餅印

爸爸是個渣爸，冷暴力我媽，從不給家用，也從來都不關心。即使我離開家，他也從來沒有打電話給我們。他出軌，我媽病倒醫院出咗病危通知書，我嚇到打電話給他，他說死咗再算

我們已經斷絕聯繫很多年了，直到我生我仔。當時生產很艱難，九死一生，醫生抱給我的時候，第一次見到，天塌了！他和我爸一模一樣！我整個人發冷，由心發出的寒。當時心中一絲母愛都冇，對他只有責任、義務

但屋漏偏逢連夜雨，他係一個高需求BB，任何事只要媽媽親力親為，嫲嫲爸爸想幫手都唔得。只要媽媽，否則就大哭，哭到就來斷氣。他爸爸嫲嫲就嚟道德綁架我，彷彿宿世怨家債主降臨，我唔止一次想掉咗佢，甚至同歸於盡

我同佢父親傾過離婚，我乜都唔要，最重要唔要呢個仔。但最終我哋選擇去見心理醫生同送個仔去幼稚園（當時佢兩歲，我渡過兩年冇自殺已經覺得當時嘅自己好堅強）。心理醫生話我產後抑鬱，之後接受治療。如今已經五年，佢越嚟越好，也好愛我呢個媽媽，我哋喺共同進步中

產後抑鬱導致嘅厭惡如果冇及時干預，即使後面再療癒，也可能習慣性嘅討厭

呢幾年無論邊個勸我，我都堅持唔再生第二胎。因為經歷過，所以我知道唔被偏愛嘅孩子係受苦嘅。但我也有自知之明，我好似我爸，內心冷漠自私。如果我有兩個孩子，我會偏心，我會偏心嗰個乖嘅，可愛嘅，會討好我嘅。我可能唔再在乎嗰個「備胎」，畢竟我有更好嘅選擇，但到時佢又將會如何呢？

我能做到嘅又最愛他嘅事就係，你係我的唯一嘅孩子，只有你沒有其他，你就是第一及唯一選擇，所有我可以俾嘅都只係俾你，冇競爭者。咁樣我就不會偏心，而你也不用受苦

讀者投稿@無名氏