#ParentLicenses1823

這件事並不是發生在香港，是在2017年回鄉下探親的時候的見聞

早上會去街市食腸粉，路過一個攤檔，有一個五、六十歲的阿姐在賣豆角、粟米、芋頭之類，她的身旁有個兩、三歲且很污糟的小男孩，沒有穿鞋，在幫手剝豆

我在她家斜對面坐下飲豆漿，然後聽早餐攤檔的老闆娘說：
「小朋友的爸爸十分媽寶，將賺到的錢全部俾嫲嫲」
「一家人又對媽媽唔好，同埋一分錢都冇，買個包來食都要問嫲嫲攞」
「嫲嫲當時又唔肯湊呢個小朋友，媽媽無時間返工賺錢」
「所以後來媽媽頂唔順就離開咗，呢個小朋友好似野孩子咁樣冇人理，好似餵貓餵狗咁樣大，連衣物同鞋都是街坊俾嘅」

正講緊的時候，一個女人抱住個一歲左右的小朋友俾個阿姐湊跟住離開，老闆娘話係佢第二個新抱同埋第二個孫，因為二仔好錫老婆，阿姐都唔敢怠慢佢

跟住就睇到個阿姐去買牛奶俾第二個孫飲，咁個小朋友就扭計都要飲，阿姐唔肯，仲鬧佢：「你冇媽咪，冇人賺錢俾你買牛奶」

老闆娘睇唔過眼話：「你大仔咁多錢俾晒你，你刻薄佢個仔，天收你呀八婆」

個小朋友喊得好傷心，路過的街坊睇唔過眼，買咗盒牛奶俾佢。個小朋友唔要，好傷心的赤腳行開咗

其實佢冇媽媽，都係想嫲嫲一視同仁地愛佢而已，都唔知做咩要咁樣對佢。我當時就已經忍唔住喊咗出來，我俾咗幾舊水老闆娘，請求佢時不時幫手買些小零食俾小朋友。老闆娘好好人唔肯要，話唔使我錢都會做嘅

事情過去這麽多年，不知為何會想起。可能我的小朋友現在和當時的他一樣大吧。好心媽寶男就唔好娶老婆，唔好生仔啦，咪鬼害人！

圖片來源@側田 – 好人
讀者投稿@路人C小姐