If we burn, YOU BURN WITH US!

#ParentLicenses1618

本人一家五口,成員包括老爺、奶奶、老公同兩歲大 B女

今年3月新居入伙,住咗半年都相安無事,直到有一日收到管理處電話:「樓下投訴你哋成日發出跑跳、拉枱、拉櫈、重物跌地聲,好滋擾」

其實我哋已經有貼隔聲棉喺枱腳同櫈腳,發出嘅聲音應該不大,同埋小朋友喺屋企玩都好正常啫,所以我淨係回覆管理處:「我哋會注意下」,然後繼續正常生活

如是者,又再過一陣子,每當我個女放學返到屋企玩,就會聽到從唔知樓上定樓下傳來嘅敲擊聲;當我哋放工返嚟開飯,呢啲敲擊聲又會再頻密啲

我哋唯有打去管理處叫佢跟進,管理處當時嘅回覆:「你哋樓上樓下都無人裝修,而其他單位又聽唔到」

我開始懷疑會唔會係樓下單位報復

每次當我個女喺屋企跑同跳,掟玩具,呢啲敲擊聲就會即刻出現;每當晚飯時間,我哋由飯廳拉枱、拉櫈去客廳,啲敲擊聲就會更加誇張

我老公晚晚都有在家做運動嘅習慣,咁有一晚,佢喺主人房舉啞鈴,只係放低啞鈴哋地下嘅後幾秒,敲擊聲又再出現,仲嚇醒埋我個女

實在忍無可忍!當晚我哋搵咗保安上嚟聽呢啲噪音。保安上嚟之後,我哋喺廳拉櫈,結果真係有強勁敲擊聲傳嚟,然後喺主人房跳咗幾下,敲擊聲又再嚟,好明顯敲擊聲就係樓下打天花,今次仲有保安做見證

第二日,我再聯絡管理處,管理處:「會同樓下住戶反映,叫佢唔好再發出噪音」

管理處回覆:「樓下男業主自稱有精神病,因為俾你哋嘅噪音滋擾又再次精神病發,連工都返唔到」

我:「係咪痴線㗎,我哋只係正常生活啫,要一粒聲都無就去住獨立屋啦」

管理處:「樓下住咗兩夫婦同一個約5-6歲嘅男童」

我:「佢哋自己都為人父母,好應該知道細路仔係控制唔到,同埋喺自己屋企、自己地方玩有乜問題呀?我就唔信佢個仔無嘈過樓下!」

之前我都會忍佢哋,而家只要佢哋一打天花,我同我老公就會跳多幾下,拉櫈拉多幾下,睇下佢天花幾時爛!同埋我哋唔可能喺屋企鋪墊,因為飯廳太窄,人多開飯必須將枱拉去客廳

都唔知佢哋點做人父母!若然佢哋要繼續報復我哋正常生活發出嘅聲音,我就會繼續拉枱、拉櫈,跳多幾下,等佢個仔都無得瞓

圖片來源@飢餓遊戲
讀者投稿@羅太

error: