#ParentLicenses1822

好想讚下呢位（用咗花花遮住嘅）小朋友嘅家長?，教到小朋友好細心同體貼❤

今日同阿女去咗新都會個遊樂場玩，阿女（彩虹衫）去玩氹氹轉時，用咗花花遮住嘅呢位小朋友（下稱姐姐）見我女埋嚟想玩，幫手停落嚟不特止，當我女上到去，佢一直捉實我女隻手，同時佢都捉住另一個同我女差唔多嘅男仔手

玩嘅時候，姐姐負責轉，同時一直捉實佢哋。當時我以為姐姐緊照顧自己細佬，順便照顧埋我女，點知玩咗陣後，先知原來個男仔同佢係唔識?。之後再有小妹妹上嚟玩，佢都會捉實佢手，再負責轉?

作為一個媽媽，見到呢個姐姐咁做，真係好感動，覺得佢好乖、好好顧及他人

走嘅時候，除咗同我女一齊多謝佢之外，仲忍唔住讚佢，因為佢真係好無私。睇落佢都唔係好大個，會識得咁做，照顧咁多小朋友，我相信父母嘅教育都好重要?

希望姐姐健康快樂成長，好難得可以遇到咁好，咁為人著想嘅小朋友??

讀者投稿@彩虹媽媽