#ParentLicenses1497

話說喺10月1號大約18:55左右，我一家三口推住BB車坐上屯馬線，由大水坑前往馬鞍山站，等?到下面大堂

我排隊嗰陣，前面約有10個人左右，我後面都仲有一架BB車同其他人排隊，隊型相當清楚

當?差不多到嘅時候，對面線由烏溪沙站開出嘅列車亦剛到站，當中有一家三口分別一個約70到80歲老人家，加一個40左右女仕，仲有一個6到7歲男孩喺隊列中間停低，疑似想打尖

?門一打開，哩一家三口隨即跟住隊伍中間位置入?

由於霎時間太多人，佢哋又打尖，雖然最後我同BB車入到?，但我先生就入唔到

我忍唔住就大聲話嗰個女人：「你帶住小朋友都唔以身作則，打尖，你點教小朋友？」

本身排喺我後面嗰個BB車一家當然都入唔到?，都有開口話佢哋

嗰個外貌似40歲嘅女人仲露出一個輕佻眼神

由於人實在太多，?門好難關上，我大約在?度話咗嗰個女人半分鐘，直到?門關上我先收聲

當下我真心好嬲，唔係我同我先生要分開?嘅問題，而係見到好明顯有條隊等梗?，點解帶住小朋友嘅女仕你可以咁做？

而且當你俾我話梗嘅時候，你一句聲都無出，你小朋友會點諗？當下真係好想影低你個樣，再俾你啲朋友或者鄰居睇下你係一個點樣嘅人

我覺得身教好緊要，小朋友返學老師都會教要排隊，點解你要做一個壞榜樣俾你小朋友睇？

讀者投稿@吳太