讓座=美德?

#ParentLicenses2129

自從仔仔分享,我一直有睇開此討論區。我有時都幫手湊孫,平時都教個孫要做個有公德心嘅人

我係一名聾啞人士,年過六十,平時於搭地鐵或巴士時,都會有好人讓座給我。唯獨今日同年紀相約嘅知己好友由教會一齊搭巴士返家時,怎料遇上了不愉快的事件

今日喺放工嘅繁忙時間搭巴士,一上車已見車廂近乎滿座,好唔容易喺最後排搵到個空位坐,而旁邊係坐住位二十出頭,穿著斯文裝束嘅年輕女仔

當時只得我有位坐,而因朋友同是聾啞人士,我倆平日都係用手語溝通,故此我朋友就被逼要一直企喺個女仔隔離,隔住佢用手語溝通

本來以為呢位年輕女仔著到斯斯文文會讓座,佢都完全無反應,完全無意識要讓座俾我朋友,只顧低頭玩手機

我續向朋友示意靠近佢多少少,等佢知道旁邊企咗個聾啞婆婆。我朋友已經兩隻手搭住喺座椅扶手位等佢讓座,同時我哋一直都不斷隔住佢用手語溝通,佢都仍然無反應,重將電話關機,然後合埋眼瞓覺,完全無理會我朋友

其實已經隔住佢不斷用手語溝通,難道佢唔尷尬嗎?就係因為其他位都有人坐住,所以我哋先想佢讓座,難道要拍醒佢請佢讓嗎?

「關愛弱勢社群」——我一直咁教我嘅仔仔孫孫,好彩我仔仔無娶呢種唔讓座嘅女人!為何新一代嘅父母就冇教育佢哋?學校更應該加強品德教育,等最新一代有關愛他人嘅精神

咁後生根本唔使坐!

讀者投稿@讓座是美德,以家年輕人無

error: