#ParentLicenses2440

放工時間搭巴士，上車過咗一兩個站之後，見有一位媽媽帶住一個小學年紀嘅小朋友上上層

佢哋望到啲位之後，隨即用少許大聲且帶有略有不滿嘅語氣講：「嘩！個個坐晒單邊位，點坐呀？」

嗰位媽媽再用眼神搵咗一陣位，但仍然都係發現冇孖位後，佢就同其中一位男士講：「可唔可以讓俾我哋坐？」

嗰位男士冇出聲，但表情係唔願意讓嘅。喺呢個時候，隔籬行嘅一個阿叔就話讓俾佢哋坐

嗰位媽媽同個小朋友好快就坐低，而嗰位媽媽係一路坐一路睥住唔願意讓位嗰位男士

坐喺後邊嘅我心諗，其實佢個小朋友都已經唔係細，點解一定要讓位俾佢哋一齊坐呢？而且後來佢小朋友喺度大嗌，然而佢阿媽係完全冇制止過

讀者投稿@Ga