#ParentLicenses2115

上週六我同仔仔做義工賣旗，我哋見人經過會禮貌地問：「可以買支旗嗎？」

後來有個女仔（年約九至十歲）喺後方衝埋嚟叫人買旗，見咗幾次係明明我仔仔賣緊，而嗰個女仔係衝過嚟一嘢貼落別人手臂

我心諗：「使唔使咁呀？賣旗啫」

然後我哋行去另一邊賣，然而嗰個女仔仍然係咁衝

我終於忍唔住口講：「我哋嚟做義工，唔係鬥多」

我再望一望後面，原來佢嘅父母都喺度。阿媽係咁指俾個女邊度有人，同時個老豆用手機拍低個女周圍衝，而且重覺得好威

我仔仔見人咁衝佢又跟住衝，最後我帶阿仔去第二度，再教阿仔：「做義工隨心，唔需要爭」

實在唔想將成件事變質！

讀者投稿@義工媽咪