#ParentLicenses1664

我個肚都已經39週，可以話係隨時生得，平時出街尤其會小心護住個肚，有時都驚俾小朋友撞到，甚至連公園都少去

而今日要返健康院做產檢，因老公要返工嘅關係，所以只有我一個人搭車，路途路唔算遠，就選擇咗搭地鐵

去到地鐵站月台排隊等列車，見到隔離隊有一家大細喺旁邊等，兩個小朋友大約3-5歲

等等下，兩位小朋友無喇喇玩起「捉伊因」，我見到都即刻下意識護肚想行遠啲。好彩我真係有咁做到，因為佢哋真係對住我衝埋嚟，仲要係跑勁快，差少少撞到我肚

小朋友冇心都算，其實我明，但佢哋父母睇到完全當冇事??

一上車，真係咁啱得咁橋得兩個空位，即使兩個小朋友距離嘅位置比較遠，但因為我行得慢，都係唔夠佢哋快……

佢哋攞完個位之後，係咁企企跳，完全唔係坐，而兩個家長依然故我，一樣都係冇出聲教半句

嗰下真係好攰，好想坐，好彩之後都有人讓

其實我投稿嘅原因唔係想表達大肚婆大晒，只係感慨家長有時可唔可以將心比己，當有孕婦喺附近時，教育小朋友小心啲？

題外話，如果喺生之前睇到呢篇文成功投稿就好??

圖片來源@整蠱專家
讀者投稿@過幾日生得既媽媽