#ParentLicenses2815

話說我老公嗰邊個細佬有個即將9歲嘅女（稱佢為K女），事情源於近排K女父母買咗部電話俾K女，亦順理成章地加入家庭WhatsApp Group

K女近排成日留語音訊息，用命令式嘅語氣叫我女（就7歲）同佢玩電話遊戲。雖然我女係有電話，但就無俾SIM卡佢用，所以只能透過我或我老公收到訊息後再傳達俾女知

K女有次威脅話唔同佢玩就喺個game list 刪除我女，當中佢啲無禮語氣就由我食晒。雖然我女細過佢，但學校或家長都會教佢基本禮貌啩？K女父母喺group聽到都唔指正下佢

年頭聚會時，K女阿爸曾經信誓旦旦話如果K女無禮貌就會訓斥佢，當時更借機踩低我個女，我老公反而好認同佢添，點知K女一入家庭group就自己露餡

如果我直斥K女，恐怕會被男家人鬧返轉頭「咁大個人同個小朋友計較乜乜乜乜」，而且我唔想幫人教女，我希望佢父母自己食返

讀者投稿@對方只是個孩子咋！