#ParentLicenses2813

相信做緊教育嘅人都應該感覺到時下有質素嘅家長買少見少，而且越嚟越孤鳩寒

我有個患自閉及專注力不足嘅鋼琴學生要考級，惟因為難溝通，再加上有情緒問題，所以遲遲未準備好考試。莫講話一個30幾分鐘嘅演奏都未試過完成，就連一首幾分鐘嘅樂曲也未能夠完整咁彈好，但對方家長就已經話想考cert、報Jupas、寫SLP，更要求一定要喺7月內考到

6月一般係學校考試期間，令到學琴一個月得兩堂，我理解同明白，咁咪試後安排補堂，喺7月加強訓練。點知上完堂後，學生先至話爸媽冇俾錢佢交學費。OK fine，下堂補回。但約好時間，家長喺個仔一考完試就突然話買咗飛去旅行，約好嘅兩堂補堂都上唔到，然後夾硬揀我唔喺香港嘅3日上堂，咁我當然係睬佢都傻

6月補唔到，同家長約7月喇，但嗰日我只得上午揀，下晝有其他學生。點知家長就話：「個仔呢排考試夜瞓，考完試太早起身學琴，免疫力會唔好」

我心諗：「WTF？！已經唔係call 0800 0900呢啲時間，咁都早？」

我：「我冇辦法，只係得返呢個時間」

家長嘅回應，可以話西客程度直逼十級：「你轉其他學生上晝，咁我仔咪上到下晝囉！」

我：「其他學生老早約好咗，冇可能要求其他學生就你」（我屌你咩，你個仔係菠蘿油王子，要冚世界圍住佢一個轉呀？而且返學、公開考試都係約莫8點開考，又唔見你話影響健康、同人講延後開始時間？）

同時，家長又追問個仔考得試未

我話：「咁你個仔喺屋企彈到成個programme未？買到書未？」

佢又答唔知。書講咗大半年都未買，問要唔要幫手買又話唔使，但佢又唔係諗住淘寶翻版書、買二手，就係覺得我會借俾佢；講book琴房又冇消息，乜都話交俾個仔安排，但你個仔對答太kam，乜都話問返媽媽；要7月考到cert，但又去咗旅行、未練好、未有書，咁重考唔考好？

仔有多重SEN問題，到而家咁大個仔啲癥狀都仍然明顯，我都戥個仔可憐；平日返學跟同學溝通唔到，屋企又唔係有王位繼承，都唔知佢畢業點返工

更可憐嘅係做FTM嘅你已經比我哋在職媽媽要一邊返工、一邊照顧家庭少咁多嘢忙，都係要咁多嘢配合唔到。交唔出學費事小，但家長基本責任未做到事大，過份保護個仔，俾咗幾個臭錢就要老師令佢個仔成功，認真有撚病

建議版主唔好淨係問呢件事跟生仔考牌有冇關，應該幫手問下各位呢個學生7月考琴會唔會合格？因為我都想知呀！

讀者投稿@唉_一聲