使唔使喺巴士痾埋屎呀!?

#ParentLicenses1451

唔知大家會唔會喺公眾場所度剪指甲?大家覺得喺巴士剪指甲剪到啪啪聲係咪好好聽呢?又唔知大家會唔會喺公眾場所度開到自己嘅手機好大聲嘅呢?

話說我一家四口坐架巴士由九龍灣返屋企,坐坐下有三母子上咗車,兩個小朋友中比較細嗰個都起碼有小二或小三以上

個阿媽一坐低喺四人位後,就即刻將手機畀嗰兩個仔睇,仲要開到車頭都聽到咁大聲

未幾,我就聽到「啪、啪、啪啪」,一下一下又一下咁剪指甲嘅聲,剪極都未完……

講真,我真係覺得好煩擾,好滋擾,於是我行過去,好禮貌地同佢講:「唔好意思呀,你個手機可唔可以細聲一啲,我前面聽到好大聲」

佢怨睥我,跟住好大聲同佢個仔講:「叫你細聲啲呀!閂細聲啦!」

期間,佢打對面咁同佢大仔剪梗指甲,係我一路講嘢亦無停過咁剪

我再繼續講:「仲有你剪指甲啲啪啪聲,啲啪啪聲其實令人唔係好舒服,況且喺巴士剪都唔係好衛生」

佢睜大對眼,抬頭望住我講:「我又無剪到跌落地,點唔衛生呀!?」

然後,佢都係繼續剪剪剪

我忍唔住喺巴士大聲問佢:「你有無家教?公衆禮儀都唔識,點教仔? 教到啲仔影響人都完全唔使理?你真係好無時間咩?返屋企剪指甲真係咁難咩?!」

佢都係毫不理會,剪到直至佢哋落車

你又兩個仔,我都係兩個仔,做阿媽唔係咁呀嘛?咁使唔使喺巴士痾埋屎呀!?

讀者投稿@多乜事嘅阿媽

error: