乞人憎 出門篇 2023 年 11 月 29 日 ParentLicenses 瀏覽次數： 1,886 #ParentLicenses2381 今日去接阿女放學，於紅綠燈等過馬路之際，聽到後面一對父子嘅對話小朋友：「爸爸你點解俾警察叔叔檢查嘅，係咪你做咗壞事，所以要檢查？」爸爸：「佢哋冇嘢做，食飽飯，冇屎屙呀嘛」當我聽完後，只覺得嗰位父親咁樣嘅言語教育真係好乞人憎，隨即再擰轉頭望一望，目測個小朋友都只係讀緊幼稚園，年約五歲左右而已作為家長，我認為言行身教好重要！喺個小朋友面前講啲咁嘅說話係咪有啲過咗火位？其實轉一轉言詞真係咁難咩？讀者投稿@悠悠
