#ParentLicenses0855

雖然我生仔無考牌，但個仔都叫正正常常，剛考完DSE

話說，近排同親友食飯， 講起我個仔考DSE 抄咗（我都預咗無口試，中英文會差咗）。個人無乜嘢，讀多年可能有更多選擇，同可以玩多年，但係我亞爸同啲新移民親戚就話：「做乜衰咗㗎？」

越講越起勁：「我淨係要你考到幾多分，但你咁都考唔到」

okay~ fine ~，乜親戚同老豆你哋嘅仔女（包括我）讀書好叻咩？最叻讀華* 果個佢當年都抄咗，要repeat多一年，考幾多分係咪數手指咁易先？

無錯，我個仔有掛住玩，唔認真，但係咪要被啲連小學都未畢業嘅你哋要求考幾多分同批評做啲乜？

最後，我係有出口阻止佢哋繼續 J 落去（即話我個仔）。但問心，邊個唔想自己個仔最叻？

我想問返轉頭：「點解你哋唔叻啲，揾定幾代都洗唔晒嘅錢俾我哋？識話人係咪先要諗吓自己？」

*個仔未出世時，你哋嘅願望唔係只有身體健康，做個正常人咩？
*開始讀書時，唔係只希望佢 okay 唔好包尾就得？
*我個仔係由小學包尾讀中學靠自己考過第一
*我做人唔貪心，孩子身體健康生活愉快就得，但而家時勢談何容易

文章來源：讀者投稿@……..