#ParentLicenses0760
我住緊威院三日等生仔，深深體會到生仔要考牌嘅重要性。
今日對面床嚟咗個妊娠糖尿嘅媽媽。一入嚟，佢就已經講嘢超大聲好擾民，之後發生咗好多醫生、護士、甚至連清潔姐姐都反白眼嘅嘢：
- 帶咗個28吋喼入嚟
- 佢一入嚟就有姑娘拎糖尿餐單比佢，解釋比佢聽。但係Lunch果陣，佢將所有嘢全部食晒——下午茶餅乾，生果兩個，再食埋自己帶嚟嘅餅，之後不停口up up，話：「都食唔飽，啲飯好難食，都未食過呢啲菜」，係咁話個姑娘，同人哋講：「自己煮都冇咁難食啦」
- 醫院套衫同條褲都好鬆，但係其實係綁繩，可以自己索緊。佢又喺度9叫話條褲咁鬆唔識著，迫到清潔姐姐鬧佢：「洗唔洗幫你著埋啊？咁大個人褲都唔識著，第時點幫個女著裙啊？」
- 夾手指測心跳。個姑娘拎部機過去，佢又9叫：「痛唔痛嫁！？好驚啊！我唔敢放入去啊！夾到我啲指甲點算啊！」姑娘反一反白眼，連解釋都廢事
- 到佢吉手指測血糖，姑娘解釋一日要吉幾次，早午晚都要，然後示範比佢睇點用，叫佢返屋企要自己做。之後吉咗一次，不停叫痛，喺度叫：「死啦死啦，我返屋企都唔會吉㗎，我會唔會失血過多㗎？」當然又比姑娘鬧到反艇
只不過係一個下晝，就發生咁多on9嘢，我相信佢平時一定係一個更加麻L煩嘅on9?
重點係，佢今次係第二胎……
讀者投稿@住緊威院待產媽媽
