#ParentLicenses2067

小弟係一名狗巴司機，日日都揸緊一啲來往新發展屋邨去到港鐵站嘅路線

話說頭先小弟揸住架巴士，喺其中一個分站嗰度上咗一家三口，分別有老豆、老母同埋佢哋個女

當時佢哋個女（我目測佢起碼12, 13歲）一上到車就拍小童卡，之後我問佢老豆：「你個女拍嗰張係乜嘢卡？」

之後佢老豆重好意思咁樣俾張小童卡我睇，諗住詐傻扮懵當我睇唔到會放過佢

當時我即刻要佢入返成人車資，跟住佢老豆就好唔like咁樣講咗句四字真言

隨後我亦都好有禮貌咁樣反問佢：「你係咪要小老母？使唔使停埋架車俾你小？」

跟住佢老豆就好樣衰咁唔出聲，不過就喺之後落車影我車牌話投訴我

喺度我剩係想講一句：「巴士都冇錢搭就唔好學人帶個女出街啦！」

做人老豆做到咁樣，將啲嘢打橫嚟講，喺巴士講粗口犯法㗎，教壞晒個女。做老豆做到你咁都真係幾好意思喎，自己身教做唔好，居然重要鬧翻人又要屈我！養不教就父之過，唔識教就唔好生！

讀者投稿@巴士仔