冇錢搭巴士

#ParentLicenses2141

話說小弟乃是一名狗巴司機,冇錯!之前有一個小童八達通嘅故仔都係我投稿嘅。我冇諗過而家調咗廠,呢個故仔都重有下集,重要係咁精彩同咁搞笑,我哋而家去故啦

話說尋日小弟如常開工,冇幾耐有對新移民母子上車。憑小弟嘅經驗所得,一睇就知係典型嘅大陸人,準備去太子搭返大陸直通巴咁嘅款

當中有個牛高馬大,個樣起碼十八歲嘅四眼男仔就嚟拍卡,點知一拍竟然係小童八達通

小弟出於責任心爆棚嘅關係,我即刻嗌返呢條博懵嘅男仔出嚟,並十分負責任嘅問佢一句:「你拍嗰張咩卡嚟㗎?」

點知個靚仔就博晒懵咁答:「八達通囉!」

我話:「你拍多次嚟睇下?」

隨後我開始扯火:「你幾多歲呀?重學人用小童八達通?你冇嘢呀嘛?一係你再拍過卡,一係同我入錢,如果唔係我就唔開車」

未幾,個老母行出嚟幫個仔解圍

老母:「幾錢呀幾錢呀?我用我嗰張卡同你拍」

點知因為拍過嘅關係,一樣拍唔撚到

我反問返個老母:「你個仔幾多歲呀?牛高馬大學人用小童卡,你冇嘢呀?」

老母:「十六歲!」

再扮晒魚蝦蟹咁話:「之前上兩個司機都俾我哋用嘅!」

我:「你哋唔入錢我就唔開車囉!」

老母開始好唔順超咁講:「入錢咪入錢囉,使唔使咁惡呀!入多啲俾佢!」

之後我話:「唔好再俾我捉到你下一次呀!」

老母:「下一次又點呀?你打我呀?」

我話:「下一次咪報警囉咁簡單」

最後個老母跌落地揦返拃沙咁話:「你打份工啫,使唔使咁呀?都唔知乜嘢社會嚟㗎!乜嘢態度呀?」

隨後佢哋成程車就收晒皮,扮晒委屈咁樣,安靜咁坐喺度唔出聲

讀者投稿@一個最愛明禎bb嘅巴士佬

error: