#ParentLicenses2037

話說某日公眾假期同班朋友入日營玩

營內有一個射箭活動，有三條隊排住玩

當時有一家人，共四個大人及四個小朋友，一開始就長排第一條隊玩

玩到某個時間，教練就話：「每條隊後面玩多6 round就完結

由於另外兩條隊後面都已經企超過六個人，於是我行過嗰家人條隊（第一條隊）後面

我好禮貌咁問：「你哋有幾多人會玩？」

佢哋答：「得四個大人玩，小朋友唔玩」

數返6 round，四個人排隊，應該重有兩個位，所以我同嗰家人講話排佢哋後面，玩第5 round

於前3 round完結，重有兩round到我嘅時候，排第四嘅男士讓前面已經玩過的朋友玩多round

我有少少奇怪，於是問一問：「係咪因為第6 round無人玩，所以佢玩多round？如果係都OK嘅，我玩到1 round都OK了」

嗰位男士無答，然後隔籬已經玩過嘅女士突然大大聲鬧我：「點解會有啲咁嘅人，走嚟人哋條隊度，搞到我哋玩少咗！」

我突一突，答返：「因為其他隊已經full晒，而呢條隊有兩個空位，所以先會排呢度」

嗰位女士話：「呢條隊係我哋一家玩開嘅，成條隊都係我哋同小朋友嘅，你應該去返另外兩條隊同你嘅朋友喺返埋一齊」

我答多次:「其他隊已經full晒，得呢條隊有空位。另外，成條隊唔係你哋嘅」

嗰位女士當聽唔到，重鬧我厚面皮，喺度人身攻擊

最後我抵受唔住壓力走咗

而嗰位男士繼續讓前面玩過嘅人玩多round，呢個策略，即係就算我繼續排隊都好，最後只會睇住佢哋四個人6 round 全部玩晒

我喺度諗，小朋友全程都睇住佢哋嘅爸爸媽媽點樣霸住啲資源同排斥他人，家長咁樣身教究竟得唔得㗎？

圖片來源@赤壁：決戰天下
讀者投稿@夠位分 但無得玩嘅人?