#ParentLicenses2036

今日去迷x夏買珍奶，等緊杯嘢飲嗰陣，有位女士打杯嘢飲嘅卡，不過佢前面咁啱有架BB車檔住咗個招牌

嗰位女士照拎住杯嘢飲對住個招牌影相，突然有位男士衝埋去話個女士影到佢個小朋友

依字面上所述，嗰位男士係「衝」埋去嘅，同時大叫：「喂！你做咩影我個仔呀！？」

男士除咗呼喝外，重叫嗰位女士要刪除晒啲相。嗰位女士都好合作嘅，即刻將啲相刪除

我個角度係睇到佢張相係影到少少架BB車嘅車側，但其實張相係好矇，可以話係睇唔到架車咩樣，莫講話睇唔睇到個細路樣貌，同埋我睇到嗰位女士都即刻刪除

然而，個男士重係唔肯擺休，甚至叫個女士開手機個相簿俾男士睇係咪刪除晒啲相。雖然個女士都被嚇親，不過都照做（可能驚個男人打佢啩）。個男人重要攞部手機錄影住個女人個相簿，叫女士撳上啲位置睇佢係咪刪除晒啲相

其實呀父親，你估人哋好想影到你個仔咩，你估佢返去睇到啲相有你個仔唔會cut走去咩，只不過喺嗰刻你架車咁啱擋住咗個招牌被佢影到啫，又唔係突登咁做叫佢刪除相咪得囉，使唔使錄影埋人哋個相簿呀……?

更甚係，呀父親你叫佢開相簿俾你睇晒不止，你重要錄住整個過程，其實你嘅行為已可懷疑你侵犯緊個女士嘅私隱，人哋可以告你㗎

各位父母輕鬆啲啦，唔係個個都要覺得你嘅小朋友好可愛㗎，正常人唔會專登影佢哋㗎。如果下下都咁緊張，個小朋友都會承受好大壓力，分分鐘有社會障礙，所以生仔真係要考牌

讀者投稿@你做咩影我個仔呀，我個仔係受保護動物呀