作為老師我都覺得很困擾

#ParentLicenses1971

我本身係喺某國際學校任職中學老師,我嘅班上有不同家庭背景的學生

咁呢班同學入面有一位同學A經常不自覺喺課堂上以中文提問。學校要求下,我都會提醒他再以英文重新提問,再以英文回答返佢。除此之外,都有啲同學私底下以中文溝通

今日我就帶住班同學去實驗室做一個噴火實驗。由於有一定危險性,我就先示範一次,而學生們就喺我對面圍觀,有啲甚至會拍video。其中一位學生B覺得實驗很有趣,就將呢個video俾佢媽媽看

接住我就收到同學B嘅媽媽WhatsApp訊息,語帶質問,話佢喺video入邊聽到有好多同學講中文,令佢覺得很困擾,所以佢希望同學們顧慮到其他唔識聽中文嘅同學,只用英文交談

我訊息回應呢位媽手,首先係多謝佢表達佢嘅睇法,並且表達出我認同學生上堂嘅時候應該講英文

及後,我再表示佢只不過喺video入邊佢聽到嘅係學生私底下嘅對話,所以都可以理解佢哋係用返自己熟悉的語言,但係佢都堅持同學之間講中文「is not right」

唔知大家有無啲建議可以令我做到兩全其美?

讀者投稿@云飞

error: