#ParentLicenses1918

今日返尖沙咀診所，晏晝食完lunch，見重有9個字時間咪去DONKI行下，行完打算去嗰間好出名嘅世一蘋果批店買個批食下

全程慢慢行，連急步都無，前面有對父母帶住兩個著校服大概K2, K3嘅兩兄弟突然急衝過來，個細佬重要一個屈尾十咁撞落我大脾，撞到應一應然後跌落地

雖然我冇跌低，但我都被人一嘢急衝撞埋來都有撞痛

我望一望個小朋友，期待你俾聲sorry我都好合情合理吖，况且又唔係我急衝撞人

小朋友身邊嘅男士（唔肯定係咪爸爸）見狀就走去抱返起個小朋友，然後我望一望個小朋友，發現個小朋友係睥緊我??

我即刻黑人問號上身???，你撞我，你重要睥我？

嗱！咁我以為個小朋友可能事發突然唔識反應先咁啫，咪多口問句：「你無事嗎？」

講完都係發現呢家人無反應，唔似有抱歉嘅意思

個呀媽重要唔知係咪聽到我講嗰句「你無事嗎？」就以為我先係甩尾撞人嗰個。因為我留意到佢個眼神同個仔一模一樣，都係睥住我！仲要狠狠哋停留咗5, 6秒先肯走

我真係一諗起個老母嘅眼神就好不忿！你拖住個仔喺人來人往嘅地方飄移甩尾撞到人，一啲唔好意思抱歉都無，重要一副我係加害者嘅樣子睥住我？今日就好彩撞人啫，下次唔好彩撞其他嘢就唔好喊喇！

最後，如果有幸你喺呢度，我想對你最後嗰5, 6秒嘅睥鳩我表示：係你個仔撞鳩我吖！唔係我錯吖！你重有欠我句對唔住吖！

讀者投稿@一個西迷的打工人