#ParentLicenses1919

我係 #ParentLicenses1914 嘅投稿人，見咁多人問件事嘅後續，咁我都滿足下你哋好奇心交待埋XD

延伸閱讀👉🏻 #ParentLicenses1914 https://parentlicenses.hk/?p=3007

但首先想更正返，因為打嗰篇嘢果火遮眼，所以左右腦突然協調唔到打錯嘢，睇留言先知原來我打錯字XD

原本第一段寫話「我個仔出世後幾個月，已經話想搵我哋托兒」，第二段「到我仔出咗世一星期，個豬隊友無啦啦問都冇問過我就帶咗個𡃁仔返屋企」

其實我係想寫我仔出世一星期佢哋想搵我哋托兒，幾個月後佢哋就搵我哋做目標，咁中間嗰段時間佢哋係搵其他朋友湊（唔該晒小編，我打啱字啦），又係自己走去吃喝玩樂，我估係佢啲朋友頂唔順佢哋先轉移目標落我哋度

當日最後只係警司警戒（你哋要明白香港警察做嘢係幾……「認真」㗎啦），呢壇嘢係發生喺超過五年前，疫情前幾年嘅事。嗰日割完席之後，我都唔知佢哋有冇反省，總之就冇再聯絡

不過我想喺度帶出嘅係，第一，照顧小朋友係父母嘅責任，唔係郁啲就交俾其他人照顧，如果覺得自己未玩夠，就麻煩帶返個dom

第二就係，希望各位人夫了解下伴侶付出咗幾多努力去令小朋友健康成長，湊細路唔係用「玩」去形容，唔係你想像中咁簡單，多啲關心老婆，幫下手湊細路

最後，上一篇冇提到，個女嘅之前有三個小朋友，三個都唔係同一個老豆，第四個小朋友係舊同事嘅

只能夠講，各位女士們，愛惜下自己身體，帶眼識人

讀者投稿@1914投稿人