#ParentLicenses1832

時間：平日下午4:45左右
人物：一對母女（目測女兒K2/K3）
地點：巴士上

女：「媽媽，老師今日又問我有冇做快測喇！」
母：「咁你點答呀？」

女：「我同老師講話冇做呀！」
母：「咁老師點講？」

女：「佢問我做乜又唔做快測囉！」
母：「咁你點答老師呀？」

女：「我有話俾老師知我日日都唔做快測㗎！」
母：「唉呀！你點可以咁講㗎！你要答有先得㗎！」

女：「我老師仲問我有冇撩鼻，我咪話我冇撩鼻囉！」
母：「你唔得咁㗎！我哋要話俾老師知做咗快測先可以返學㗎！所以你要話有做！唔可以話俾老師知冇做㗎！」

女：「哦！知道！媽媽，老師仲話俾咗咁多快速測試我，點解唔做！」
母：「因為你爸爸返工要用呀！不過你唔好話俾老師知，你淨係同老師講有做快測就得㗎喇！」

圖片來源@家好月圓
讀者投稿@路人丙