#ParentLicenses1788

今日落大雨，又唔想喺屋企煮飯仔，就落樓下買

當經過平時買開嗰間茶餐廳，有個店員姐姐企喺門口，佢望住前面架車

我上前去打招呼，店員姐姐手指指架車嘅副駕，有個好得意嘅BB女喺度，應該未有兩歲。再望下，發現架車入面無其他人

店員姐姐話佢一開始以為自己睇錯，望實先見到，同埋個BB女手上玩緊鉗……係，你無睇錯，係一把鉗

未幾，隔離鋪都有店員企出來

「停咗半個鐘有啦，佢都無留意」隔店店員說道

我：「?」

雖然係落雨天，明白家長唔想細路淋雨，但係你擺佢一個人喺車度，好心收埋啲危險物品啦

後來見到一對好後生嘅夫妻前後腳返來睇個BB，又走入隔離餐廳（估係等外賣）

我唔明白，你哋明明有兩個人，點解唔留低一個睇住個BB呢？

圖片來源@少林足球
讀者投稿@路人666