#ParentLicenses2053

喺其他嘅page見到講及呢度一篇關於帶小學生去異性廁所嘅post，當中重有人不停呼籲用GPS定位手錶，令我有少少嘢想分享

█ 延伸閱讀：#ParentLicenses2047 https://parentlicenses.hk/?p=3676

我有一個ASD嘅小朋友，簡稱星仔

佢身型一般，四歲幾帶佢入女廁已經俾啲婆婆指指點點，內容都係話佢唔應該入女廁云云；加上學校有教，所以星仔本人都唔會想跟我入女廁

不過之前新聞報導稱有ASD小朋友失蹤事件，所以當星仔一上小學，我同爸爸就買咗GPS定位手錶俾佢帶

其實平時只係我單獨同星仔出街時，我都盡量唔飲唔食，唔令到自己有需要去廁所，但有次我身體真係好唔舒服，無奈地需要去廁所

我千叮萬囑叫星仔喺門口等我，點知有個帶住女女去廁所嘅女人話佢唔應該喺門外䁓（喺女廁門外，唔係廁格門外）。我聽到連廁所都唔敢去，即時著返條褲衝出去，但己經唔見咗個仔

雖然我仔當時有帶GPS定位手錶，但因為喺室內，我最多都只能夠知道佢重未走咗出街。我一層一層咁搵，搵咗好耐先見到我仔匿埋咗一角喺度喊。好彩佢無出任何意外，如果唔係我都唔知點算?

而家同阿仔已經移居外國，有次男廁清潔中，阿仔想去洗手洗唔到，俾職員反問點解我唔帶佢去女廁洗，原來當地重可以帶10歲或以下小朋友去女廁

圖片來源@名偵探柯南
讀者投稿@無名