#ParentLicenses2047

我想請問各位有讀緊小學嘅仔而又會繼續帶個仔入女廁嘅母親，既然個仔都讀緊小學，到底重俾個仔跟自己入女廁係咩概念？

喺公眾假期、星期六、日，街上人多到爆，更唔好講香港本身女多男少，女廁成Q日大排長龍，然後每次（十次有九次）排隊期間都可以見到啲阿媽拖住個起碼讀緊小學嘅仔去完廁所出嚟洗手……喂，小學都分男女廁啦！

然而，更可恨係，當我問男性友人，佢同我講男廁冇人！

次次見到都想問其實咩心態？個仔冇阿媽扶唔識去廁所？8歲人仔驚俾人強行抱走、拐走？小學生唔係人，係物件，所以冇性別之分？老豆死咗？WHY？

幼稚園小朋友就話啫，大佬，小學啦！而家啲細路分分鐘見識重多過你同我，可唔可以唔好進一步搞到女廁咁塞先？如果個仔真係有障礙，可唔可以去殘廁解決？

幫幫手啊……女人要換m巾，啲衫褲鞋襪又難除，大小便都係用馬桶，你重要帶個異性入嚟塞上加塞？

你話你怕你個仔喺男廁玩到唔識出嚟？咁用下你尊貴嘅口問問入男廁嘅人叫佢出返嚟係咪好難？

講真個仔自己一個入去真係有嘢玩🤔？

圖片來源@飯氣攻心
讀者投稿@小學仲要老母竇住條撚先識痾尿