#ParentLicenses1674

點解要迫個小朋友去打針？小朋友係咪就無選擇權？

因為疫情數字再次暴升，令到好多人怕咗隻感冒菌，同埋為咗攞到疫苗通行證（針卡）而去打針

今日，我喺葵涌麗x邨排隊睇醫生時，都見到好多人喺度排隊打針！期間我見到一個大約中一、二嘅男仔被佢阿媽迫打針，內容如下

👶中一二男仔
👩‍🦰鄉音阿媽

👶：「我唔會打針㗎，做咩要打？」

👩‍🦰：「你唔打，遲啲邊度都無得去，車都無得搭」

👶：「咁咪搭的士囉！要打你自己打飽佢」

👩‍🦰：「你有錢咩？搭的士？你唔打就自己留喺屋企！！駁咀？你再講我就打柒你！你再講我就打柒你！你再講我就打柒你！」

如是者，無限loop「你再講我就打柒你」

我覺得個小朋友真係好可憐，係咪無經濟能力就無權選擇自己嘅路？係咪無權選擇捍衛自己身體嘅方式？係咪就無權選擇任何嘢？

讀者投稿@想走去車巴個鄉媽的路人