#ParentLicenses1682

有朋友喺免費診所工作，每日都需要服務大量BB/孕婦

講開，原來有好多人病緊或強檢中仍會到診所使用服務，有時仲要係入咗診所用完服務後先知

就係因為門口份問卷冇問，入診所時，即使客人正接受強檢都唔使通知。有前線同僚已反映過健康安全風險，但高層認為市民即使強檢中都仍然可以使用服務

喺近期，有唔少強檢人士光臨使用服務，陪診人士人數又冇限制，即使服務對象係抵抗力比較弱嘅初生BB同孕婦?，而且當中有幾個確診者光臨過唔同嘅連鎖診所。高層知道後，診所仍然照常服務，並冇公怖

據悉，唔公佈嘅理據係高層認為診所內全部人都有戴口罩，另所有人都唔係密切接觸者，所以診所可以如常營業，連即時停止診所運作消毒都唔需要，只安排完晒服務關門時做基本清潔/消毒就可以。冇人需要檢測，冇人需要被通知，包括同場與確診者一起時段的使用者，同往後的使用者，目的係唔希望影響服務

我係一位媽媽，喺新年前，我曾經湊住BB去完呢個地方。如果我一早知道有可能同確診者咁接近，或者原來根本就有個強檢嘅人可以入診所，而且仲坐咗喺隔離，我根本就唔會入去診所，而家我真係好擔心及憤怒！

早排中強檢，我自己去醫院啲複診都改期；但係實在令人無言，乜原來強檢又可以周圍去，呢個診所居然又唔使了解到訪者就乜人都入得？

讀者投稿@菠蘿