#ParentLicenses2772

有日在商場行街，被兩個互相追逐嘅小朋友（六至八歲）整到我

我話佢哋：「咁樣阻住人行！」
佢老母竟然大聲話：「關你咩事？」

佢老母嘅老母甚至話：「咁叻你嚟教」
我即刻鬧返佢哋：「生嘅係你，你冇責任教？你哋拎晒子女免稅額㗎」

其後佢老母嘅老母更當住小朋友面前用粗口鬧我。試問一開始無事無幹我使咩鬧佢哋先？緊係因為佢哋整到我啦！我出街正常咁行，難道係我有責任確保唔會被小朋友撞到？

個老母見佢老母情緒激動想打我，開始伸手攔住佢老母。我就講而家係佢哋整到我，個女人先至好悔氣咁同我講對唔住，然後拉住佢個繼續講粗口嘅老母離開

當時事發場景係闊大約一米嘅商場走廊上，該走廊係好多人上下班和行街穿商場必經嘅走廊之一，因為嗰條走廊連接三個商場，唔使開閂防煙門

佢爆咗粗我就唔使同佢客氣，我一路繼續向前行，一路大聲回頭鬧返佢當住小朋友友粗口好有家教！之後嗰四個人行咗去另一個商場走廊，消失喺我視線範圍外

後尾我反思，當時我真係反應唔切，其實應該答佢「好呀！俾我教丫！我會即場車巴佢哋，等佢哋知唔好再喺街上忘晒形咁互相追逐」，我好後悔冇咁講

讀者投稿@俾我教就會車巴佢