驚就唔好帶出街

#ParentLicenses1961

晚飯時間,喺APM,有件事情發生喺我同小朋友身上

有幾個應該係識嘅小朋友喺兩舊大公仔附近跑來跑去,我個兩歲仔亦跑咗過去,匿埋喺其中一個公仔後面

起初都冇嘢,隔一陣我仔突然間俾個小朋友特登推咗埋牆,boom一聲再成個跌落地下

我當刻即刻叫:「你做咩推我個仔呀! ?」

個小朋友可能有回應我嘅,但因為我太緊張想去抱返起個仔同睇佢有冇事,所以我真係聽唔到,但我都答咗句:「佢只係企咗喺度咋喎! 」

下瞬間,小朋友媽媽拉走咗佢埋一邊訓話,咁我見個仔都喊緊,我都先抱走我仔埋另一邊

點知隔一陣我仔又跑返返去,我追住我仔叫佢:「唔好過去,一陣又俾人撞!」

突有位太太就講咗句:「驚就唔好帶出街啦媽媽!」

我當刻真係好嬲,咩叫「驚就唔好出街」?係咪應該係無啦啦推人嘅先唔應該出街?

該太太續:「小朋友有碰撞好正常」

其實我仔都俾佢個女無啦啦拍咗幾下,我見小小嘢我都唔出聲。老實說,小朋友玩嘅碰撞同惡意推我仔,我唔識分咩?我見到佢係屬惡意推,我緊係問佢做咩啦

該太太再道:「你都好惡咁鬧個小朋友」

我冇鬧小朋友。我嗰刻見到個仔比俾推到撞牆趴地,只想問佢做咩推人,聲音大咗,但你覺得我鬧,唔緊要,我後來都同個小朋友道歉

呀太太又問:「如果係你小朋友推人,人哋家長過嚟鬧佢,你會點?乜喺學校推跌人唔通老師可以鬧佢? 」

其實我真係想知重可以點,咪叫我仔同對方道歉囉,唔通理直氣壯叫個家長「驚就唔好帶出街呀」?同埋我唔係教書,我唔知老師會點,而老師要鬧佢我又可以點呢?

最後結果係呢位小朋友好有禮貌嚟道歉,我亦同小朋友講嚇親佢所以道歉

然而,我最嬲係嗰句「驚就唔好帶出街」

後來發現呢個太太同佢哋係相識嘅

我再次重申,撞人小朋友同家長都好有禮貌同我仔道歉同講拜拜,我覺得佢哋好好

讀者投稿@媽媽

#ParentLicenses1961

晚飯時間,喺APM,有件事情發生喺我同小朋友身上

有幾個應該係識嘅小朋友喺兩舊大公仔附近跑來跑去,我個兩歲仔亦跑咗過去,匿埋喺其中一個公仔後面

起初都冇嘢,隔一陣我仔突然間俾個小朋友特登推咗埋牆,boom一聲再成個跌落地下

我當刻即刻叫:「你做咩推我個仔呀! ?」

個小朋友可能有回應我嘅,但因為我太緊張想去抱返起個仔同睇佢有冇事,所以我真係聽唔到,但我都答咗句:「佢只係企咗喺度咋喎! 」

下瞬間,小朋友媽媽拉走咗佢埋一邊訓話,咁我見個仔都喊緊,我都先抱走我仔埋另一邊

點知隔一陣我仔又跑返返去,我追住我仔叫佢:「唔好過去,一陣又俾人撞!」

突有位太太就講咗句:「驚就唔好帶出街啦媽媽!」

我當刻真係好嬲,咩叫「驚就唔好出街」?係咪應該係無啦啦推人嘅先唔應該出街?

該太太續:「小朋友有碰撞好正常」

其實我仔都俾佢個女無啦啦拍咗幾下,我見小小嘢我都唔出聲。老實說,小朋友玩嘅碰撞同惡意推我仔,我唔識分咩?我見到佢係屬惡意推,我緊係問佢做咩啦

該太太再道:「你都好惡咁鬧個小朋友」

我冇鬧小朋友。我嗰刻見到個仔比俾推到撞牆趴地,只想問佢做咩推人,聲音大咗,但你覺得我鬧,唔緊要,我後來都同個小朋友道歉

呀太太又問:「如果係你小朋友推人,人哋家長過嚟鬧佢,你會點?乜喺學校推跌人唔通老師可以鬧佢? 」

其實我真係想知重可以點,咪叫我仔同對方道歉囉,唔通理直氣壯叫個家長「驚就唔好帶出街呀」?同埋我唔係教書,我唔知老師會點,而老師要鬧佢我又可以點呢?

最後結果係呢位小朋友好有禮貌嚟道歉,我亦同小朋友講嚇親佢所以道歉

然而,我最嬲係嗰句「驚就唔好帶出街」

後來發現呢個太太同佢哋係相識嘅

我再次重申,撞人小朋友同家長都好有禮貌同我仔道歉同講拜拜,我覺得佢哋好好

讀者投稿@媽媽

error: