#ParentLicenses2770

星期日去咗沙田新城市行街，我女好想坐史奴比公園嘅船仔，要排好耐，而中途有兩位母親帶住三個女小學生嚟排隊

三個小朋友跑嚟跑去當然正常，惟唔正常係突然有一個跑返嚟嘔。嘔都唔緊要，個港媽照顧完個女，洗晒手就咁由得堆嘔吐物攤喺塊地上，又嘔到個垃圾桶污糟晒，咁都可以完全冇反應，連鋪張紙巾喺堆嘔吐物都冇做到，繼續攝返條人龍排隊

我見佢咁冇品，於是打電話去管理處請清潔工過嚟清理。話晒都叫係公眾地方，你整污糟地方，唔去清都算啦，連電話都唔打個？咁樣教女，唔怪得而家啲小朋友咁自私！

我自己真係用日本人嗰套唔帶麻煩俾人嘅文化教細路，出街食飯，小朋友整到一地都係，我一定自己清返乾淨，冇人係應該要幫你執手尾！

讀者投稿@崇洋媚外嘅老母