#ParentLicenses1464

事緣係我個只有兩個月大嘅呀囡餵奶時間到，已經開始咆哮

當時我著急喺商場搵育嬰室，終於搵到嘅時候，見到一家三口想快過我衝入去

不過我已經喺門口，入埋房，鎖埋門

未幾，我餵緊呀囡嘅時候，嗰兩公婆同埋個仔（目測已經係6, 7歲）係咁敲門

十分鐘入面敲咗三次門嘅佢哋就問我：「得未？」

我唔忿氣，開門同佢講：「你等多陣得唔得呀？我喺度餵緊奶，如果唔係我都唔會鎖門啦！」

我續道：「你個仔咁大個，你餵奶俾佢，定餵奶俾你老公啊？」

之後佢哋走咗🤷🏻‍♀️

補充：一層有兩間獨立育嬰室

讀者投稿@育嬰室老母