#ParentLicenses2490

喺前三個月對面屋嚟咗新住客，兩公婆加佢個八個月女

有日我帶半歲仔出去接家姐放學，適逢第一次見到個阿媽帶女出門。開頭都係閒聊湊BB嘢，隨後佢問起我喺咪餵人奶，我話唔係，自出世開始都係食xxx牌子奶粉

佢突然好激動咁話：「你咁樣係唔得㗎！人奶係最好嘅禮物送俾小朋友！你咁樣係唔會幫佢增強到抵抗力，日後會好多病痛！」

嗰下真係有啲嚇親我，最後我都係敷衍下佢話：「哦哦，係咩係咩？」

之後有次買完嘢返屋企又撞到佢兩母女，個阿媽見到我膠袋入面有一盒盒糊仔，又再次說教

「點解唔試下BLW呀？學食嘢學得好快㗎，第時識自己食唔使人餵，食糊仔俾人餵慣咗好難自己食返！」

我忍唔住話：「其實湊小朋友有好多方法，唔一定得A方法，重有B至Z咁多方法。覺得邊樣最好、最方便、就手，咪採用呢個方法，唔一定人哋嗰樣最好或最差，唔一定要跟邊個邊個嗰套方法，自己想點咪點囉」

自嗰次之後佢就掂行掂過唔講嘢，我同佢講早晨都唔應我，其實奶粉又好人奶又好TW BLW咩都好，冇話邊樣一定最好，自己用得舒服咪得，點解喺要迫人用佢嗰套呢？

圖片來源@回魂夜
讀者投稿@奶粉TW媽