#ParentLicenses2362

啱啱睇緊Viu節目《生仔唔該考個牌》，正正係主持同一對父母討論兩個女感受，睇到對父母對答，我火都嚟埋，真係想打鳩佢哋

主持說明兩個女向佢表達感受唔開心，其中一件事就係講及大女（十歲）：而家咁大個沖涼，媽媽唔俾鎖門。曾經有一次沖緊涼時，爸爸入廁所攞嘢，咁啱個女沖完，拉開浴簾之際，就俾爸爸見到全裸。之後，爸爸覺得冇問題就出返去

輪到主持同對父母講個問題喺邊度時，個老母就話：「佢哋重細，喺廁所有咩事點算？」

個老豆更加離譜話：「細個都係咁幫佢哋沖涼」

聽畢，連主持都忍唔住問個老豆：「你呀媽重會唔會幫你沖涼！？」

另一件事就係個女表達唔鍾意爸爸好似樹熊咁攬住佢，令佢覺得唔舒服。老母竟然話係因為父母忙而少陪佢哋，反問返到屋企想攬住有咩問題

其後，主持都好表明每個人或小朋友都係獨立個體，有自己嘅感受。然而，嗰對父母完全唔理，唔聽，唔明，重咬住對小朋友喺佢哋（所有物），故認為自己管教方法全冇問題

睇到呢兩公婆，我真心叫佢哋重新投胎，唔好累下一代

圖片來源@ViuTV
讀者投稿@嗰對父母應該重新投胎