#ParentLicenses2347

睇完早前投稿人喺讀書時期被欺凌嘅故事，我身同感受

肥唔喺罪，樣衰唔喺罪，有病都唔喺罪，但啲仆街就係覺得你成個人都係「罪」

我自細濕疹佈滿全身，試過中西療法，又試過被屋企人捉去老蓮咁遠去拜神，甚至試過搽過n咁多個牌子嘅潤膚膏等等嘅方法，可惜全部都通通無效

由我幼稚園到中學畢業都被人當喺怪物，一個朋友都無，重要成日被人蝦。喺某年家長日拎成績表，我好記得被同學阿媽指住咁話：「哇～你塊面咩事？你唔好癡咁埋惹到我個女呀！」

我解釋：「呢啲喺濕疹，唔會傳染」

然後佢再同我同學講：「唉～你真係黑仔，有啲咁嘅同班同學，肯定係前世做錯嘢，搞到今世要還！」

同學當然無出聲反擊佢阿媽

雖然我都預咗無人為我發聲，但見我媽係咁同個賤媽講對唔住，嗰刻我個心好痛，一來搞到我媽唔開心，二來我無做錯事都被人鬧

可能你以為呢啲事發生喺以前嘅時代，但其實我只不過係00後，廿一世紀都重有人唔知咩喺濕疹㗎！

真心唔明點解同學阿媽要咁樣傷害我，做人阿媽把口賤到咁

圖片來源：WhatsCap
文章來源：讀者投稿@濕疹無罪