#ParentLicenses0334

做遊戲樂園好多怪獸家長多到已經唔想再講，今日終於遇到個絕對有考牌的家長。

佢帶個小朋友來玩拋彩虹，小朋友唔夠高，佢同小朋友講：「唔可以企上去拋，你大力小小可以。」

跟住我借咗張櫈仔佢，小朋友已經好有禮貌講：「唔該」

之後每次小朋友跌咗幣落地，我補一個比佢；佢中任何獎都好，小朋友同佢家長都好禮貌講：「唔該」

小朋友想再玩都好，佢媽咪講「你記得答應我咩？」

小朋友話：「知道」之後好禮貌還返張櫈比我，再去入票都唔該前唔該後，到最後走嗰位小朋友：「拜拜姐姐，今日辛苦哂」

小朋友真係好乖，睇得出父母好錫好同有規則，小朋友自動自覺講唔該，真係父母身教好好。

讀者投稿@打雜樂園