#ParentLicenses2220

有對夫妻搬BB車上巴士，車仔上面有小朋友。我諗住佢哋搬完就抱小朋友落嚟慢慢摺車，所以就打算等佢哋安頓好先開車，點知佢哋係將車仔連人綁喺輪椅位，然後兩公婆坐上層

我肯定嗰部一定唔係兒童輪椅，因為我女以前都係用呢個型號BB車。我隨即行上上層叫佢哋摺車，跟住佢哋話只係搭一個站

我：「你哋荃景圍天橋上車，搭一個站屯公落車，兩個地點隔好遠喎，重要有彎路，你小朋友同架BB車都係輕，好易翻㗎！保障佢安全，麻煩你哋抱起佢，然後摺車」

點知個男嘅發晒爛渣屌我：「你揸慢啲咪得囉碌柒，使唔使我教埋你揸車呀？」

客客氣氣叫你哋摺車，無端端俾人鬧碌柒，巴士司機真係賤過地底泥，但我都有底線同尊嚴

我話：「唔通我就返你哋全程行三十公里呀？自己落嚟望下張《乘客須知》啦！你有牌咪你揸囉，你坐埋我個位囉，公司而家唔夠人呀，歡迎加入我哋團隊。阿叔幾層樓收租呀，冇咗份工都冇所謂呀，係悶啲啫」

當然，我點會咁有錢呀，求其作個故事嚇下佢

超！咪又係死死氣咁落去摺車，個女嘅重影埋車牌同我張名牌。投訴囉，俾個頭你掃呀，碌柒！

讀者投稿@巴士司機