#ParentLicenses2136

之前因為小朋友病咗又發燒，我已經同老公爭辯過唔好俾小朋友返學

當時老公係話：「今日係第二個學期第一日喎，唔返學錯過好多」

我：「咁又點呀？」

我出發點係覺得小朋友病就要休息，要養好身體先返學；然而佢就覺得發燒但精神ok就可以返學。我好質疑老公個觀點，如果返返下學好唔舒服咁點算呀？

直到最近一連三日假期，已經玩咗兩日，怎料小朋友頂唔順發燒，糾結第三日報咗嘅比賽繼續與否。雖然只係志在參與，唔係為要拎獎，但因為比賽行程中有二人比賽，若果自己小朋友唔去嘅話，另一個小朋友就參加唔到

老公：「去一陣咋嘛！」

我心諗比賽點會係一陣，出入加等比賽時間都兩三個鐘，我自己都病，就算講埋自己感受都好，佢都係唔聽

老公搬出老調：「高燒精神唔ok先唔去」

續道：「比賽好多時其他小朋友病會照去，係你見識少」

所以我想問吓大家，小朋友病緊但有啲精神嘅真實情況下，係咪照帶小朋友去比賽？

讀者投稿@照顧者