#ParentLicenses1996

新城市廣場新開咗play house吸引咗好多人過去玩，而我同小朋友就係其中之一。玩完play house後，當然梗係順便去埋Snoopy公園

可能因為今日係星期六，公園內有好多人，唔多唔少都有少少碰撞

見到有個兩個女仔，目測應該4歲左右，當中有個小朋友（下稱A）就推到小朋友（下稱B）

現場實在都算多人，小朋友間可能有少少碰撞，就見唔到A究竟係有心定係唔小心推跌B

然而，B老豆竟然問都冇問到原因，就衝咗上去推跌A。冇睇錯，係大人推跌一名小朋友?

我明白家長係擔心小朋友，冇人會想自己小朋友受傷，但係如果真係咁擔心、咁緊張，咁你點解唔跟實B去玩，而係發生咗事後就直接去推小朋友A？

事情發生之後，A家長全程抱住A氹，見到A都喊咗好耐收唔到聲。直到最後，B老豆重要冇向A家長道歉，抱住B直接離開公園

雖然小朋友A有做錯，但係B家長又真係做得啱咩？究竟點解可以咁恐怖？

讀者投稿@其他小朋友家長