#ParentLicenses1984

一年一度嘅聖誕節好快就要到啦，我哋一直以來為咗小朋友嘅童真，年年都扮聖誕老人喺平安夜深夜送上聖誕老人嘅禮物

甚至喺小朋友讀幼稚園時候，我哋都試過用App同聖誕老人通話（有預先錄好嘅真人接聽，好似視訊咁通話），以致小朋友深信世界上係有聖誕老人

喺上年，小朋友收到聖誕老人送嘅禮物後，開心到周圍同人講。同線上課程嘅外籍老師實牙實齒地話真係有聖誕老人之外，返到學校都周圍同同學講

啲同學仔都唔信，重話俾我小朋友聽：「係你父母扮嘅！」

然而我小朋友依然深信有聖誕老人，話禮物係證據，曾經打過電話都係證據，佢仲重叫同學仔試下打電話🙈

呢份童真係好美好，但如今都小四啦，佢重係好深信不疑。我係咪應該講事實佢聽？以免佢喺同學入面顯得好傻豬？我又應該點樣話俾佢知真相好呢？感覺好似會一下粉碎佢嘅童真咁

好苦惱，今年係咪要繼續扮聖誕老人送禮物呢？

讀者投稿@聖誕節，仲扮唔扮聖誕老人好？