#ParentLicenses1915

話說，最近呢個星期幫手照顧來自極度有錢家庭嘅一對小朋友，因為阿媽唔得閒，搵唔到幫手，所以就搵我幫手睇幾日

有一日照顧佢哋嘅時候，個小朋友太興奮，玩玩下急屎去唔切廁所，就賴咗喺條底褲仔度

小朋友係去廁所途中一路行一路除褲，點知跌咗舊屎喺張地氈度，仲有啲癡住咗喺佢身上面

千辛萬苦去到廁所，因為小朋友已經大個，座廁就冇BB廁所板，唔知係咪因為唔啱位，所以佢啲屎揩到成個廁所板都係。我喺外面清理緊嘅同時，佢亦都屙完屎，重要喺度玩啲屎，炆到成個廁所板同全身都係

在場另一小朋友（細佬）見到佢瀨屎重更加極度興奮，係咁喺度玩佢跌咗落地下嗰啲屎，同埋瘋狂搵啲嘢掟嘢落啲屎度，務求啲屎黐實喺嗰啲地氈度

我唔知係咪呢對小朋友嘅屋企太有錢，啊媽又唔太理佢哋，同由細到大全部人都就晒佢哋，冇人鬧過佢哋，所以佢哋即使犯錯都完全一啲悔意都冇，加上佢哋性格勁wild，完全無乜紀律可言

再慘在，負責照顧小朋友嘅姐姐乜都就晒佢哋，唔鬧得又唔罰得，媽媽又唔理，Thank you同sorry都唔會點講，重反問我點解佢哋要講

Anyways，小朋友們重爆響口話佢哋重試過一齊試食啲屎添啊救命！我照顧完呢對小朋友之後，令我對生仔嘅諗法為之卻步

讀者投稿@鄧人哋嘅仔女可憐既人