#ParentLicenses1834

投稿一

早前港男隱瞞大肚港女失業7年，拎綜援去機舖扮返工，呢單事件引起全城熱話

雖然網民幾乎一面倒屌男方垃圾，但大家又有冇諗過，其實男方可能有苦衷都唔定呢

首先，我重申並唔係撐男方，而男方為人亦唔係呢篇嘢嘅重點，但想講嘅係有得揀的話，邊個想自己失業或者攞綜援先？！人只要稍為有少少尊嚴，邊有可能受得住大眾白眼？！你估真係貪馨香咩？！人言可畏呀！

另外，如果嘗試代入男方角度睇，佢或者都係因為係怕人眼光先瞞住女方啫，話晒大眾思想咁「傳統」；加上如果女方肯稍為體諒佢處境嘅話，話唔定佢一早向女方坦白，亦未必造成是次慘劇啦

總括嚟講，如果香港人咁L驚有人「濫用政府資源」「晒納稅人錢」嘅話，不如叫大眾唔好戴有色眼鏡睇弱勢社群，或者鼓勵僱主請弱勢社群（例如無業人士）好過

只可惜今時今日平機會仲未有「無業歧視」、「學歷歧視」、「年齡歧視」條例等保障返呢啲極難搵工嘅弱勢社群，如果社會肯正視同解決嘅話，到時肯定唔止人人有工開，亦肯定一定少咗好多人「呃」綜援

然而，最諷刺係香港人把口成日叫無業人士搵工，但就剩係識一味屌當事人唔肯搵工；而當當事人想搵工嗰陣，大眾又帶頭歧視同排斥當事人無業，例如僱主針對空白期或者無業問長問短都知咩事，面試結果唔使問一定凍過水，咁當事人想搵到工都難啦！最終，變相有「藉口」俾呢啲「社會垃圾」繼續「濫用」綜援囉！

無業攞綜援根本係深層次問題，只係大眾扮唔知，扮睇唔到，直頭將個波推晒俾當事人就算，但就從來冇人深究背後原因，講到尾都係當事人自作孽！

投稿二

一個二個剩係識企道德高地屌鳩人唔返工，其實我都唔知咩事，我只係無嘢做；但我係真係懶，真係唔想做呀，咁又點？成日一開口就叫人做咩倉，做咩清潔，做咩保安，見有同路人講先知原來做倉都唔係必請，又低人工，又高工時嘅工種，咁都叫人做，你除咗當人弱智係咩意思？咁識講，佢哋自己又唔做？要我哋啲隱青同你做？唔係帶住有色眼鏡恰我哋咁係咩？

其實關佢哋咩事？又唔係佢哋養！啲人好似連同你做普通朋友都廢事同你做，識親我嘅人都當我低能仔咁再同我溝通，下下都係教育咁嘅語氣

通常我會大鳩返佢咃，中位數、五天工作、同你差唔多人工，係有嘅就聽日返工，我即做，做唔掂任你炒！最後講我唔掂就唔同我講了，直接BLOCK鳩或唔鬼再同我講嘢。就算親人親戚都係咁，又唔係你養，走嚟日日關心我做乜工，好少少嘅工又唔介紹，最惡劣嗰啲自己唔做就狂叫人做，都唔明啲人係咪傻

講利益，我完全同佢哋無利益衝突，突然走嚟歧視我。我無強姦、殺人、搶劫，啲人根本純粹見你咩都唔係，無做過嘢就一定係低能弱智，走過嚟踩一兩腳！

屌佢老母，你喺香港返工咪又係日日喺間公司過日晨，真係個個做發明偉大創舉拎諾貝爾咩！

香港嘅工作全部都係教科書咁背，背完就識，想搵嘢壓價、搵人踩下就真！根本就唔需要證明自己有咩能力，拎老綜就解決到問題，咪有班友繼續屌飽佢

重有，我認識嘅香港人不嬲都係咁，養佢哋隻狗就好有愛心，但對同胞真係狗都不如！我其實都唔想做咩報復，只想打份工，可以正常生活就算，即係有時間搞下興趣，有老婆，有屋住就算，但個社會話俾我知呢個想法太天真

老綜係第一步，令佢哋無辦法問咩空窗期，根本上挑你呢句，加上語氣差就已經唔多想請你，如果發現佢哋係咁，已經打定輸數。串啲同佢哋講「呢段時間我日日喺屋企打機，而家拎緊綜援，你唔請我冇所謂」，睇佢有咩反應

第二步就係搞5+1移民，全部都好合理，我去英國可能俾人歧視，但我喺香港咪一樣俾人歧視。嗰度10磅一個鐘，做農場，摘生果，夠唔夠清潔厭惡？最多都係日做7個鐘咋，想做多啲都高過最高工時40個鐘呢度幾多？見倉得60蚊，做6日都好，我啱啱先知原來都有得唔請？有冇搞鳩錯？

我睇唔到，呢個時勢僱主有咩優勢？如果真係唔鐘意呢度，有得走，就直接走啦！

一句講晒，其實隱青都係你班垃圾父母所造成，就算個仔啃老咬老綜都係你哋自己攞嚟咋！唔識教就咪撚生仔害人啦！

投稿三

講真，長期空白期、無業通常都係有難言之隱居多（例如係隱青、情緒問題、被炒），試問邊有可能喺見工嗰陣照直講？因為咁等同自揭瘡疤，花式自殺，對方亦只會戴有色眼鏡睇你，驚死請咗你會陀衰家同影衰公司，對方會請你先奇，所以就算當事人真心想走返出嚟都難啦

假如當事人講大話，俾對方稍為chok下就前言不對後語，鬼拍後尾枕，喺呢個情況只能不停遊花園搞到答非所問，對方當然亦冇可能收貨，最後當然又係殊途同歸

投稿四

當大眾一面倒插「社會垃圾」攞綜援，大家又有冇諗過事實係社會一早已經預咗用一舊資源養呢類人？人嘅人格係點，一部分天生，一部分係後天環境造成

唔講同唔同情，好多人喺成長過程中出咗事冇人幫，冇辦法入返社會，呢樣係社會嘅問題。因為社會複雜性高過社會設計所安排嘅教育同發展，總有人會成為制度嘅受害者

呢一點不嬲係共識嚟，所以點都會有政策係「關照」低下階層，係一種補償

我係嗰種一個星期返足7日，每日做足14-15個鐘嘅人，但我唔會睇唔起唔想返工嘅人。人各有志，我放工都會打機，都會想懶，識得有人一日打十幾廿個鐘機，喺遊戲入邊好勁可以帶我過關

你生存嘅目的唔淨係得返工，但同樣你要諗嘅係收入同生存方式。如果你收入來源係靠老綜，夠食夠玩夠過世，問心無愧，就唔好諗其他人點睇你，做幾十年人都仲要諗人點睇係好辛苦，俾我有個小朋友，又成日要俾人指指點點，我都會想打X嗰班指指點點嘅人

最緊要，你要搵到安心處，令自己有嘢擅長做、想做、做得開心，當然賺到錢就更好。好似嗰啲咩元宇宙，我呢啲老嘢唔會識，但毒L其實俾我哋更熟呢類新興項目，佢哋分分鐘係上住網打陣機，就已經賺到我一星期辛苦搵返嚟嘅錢

投稿五

喺大眾眼中，內向/毒L/隱青仲衰過強姦犯，因為以香港人個格，對住強姦犯都未必當面x，最多咪網上鬧幾句咪算，加上如果被害者反抗到嘅話，強姦犯就唔會存在，咁內向/毒L/隱青自然啱晒做出氣袋，因為貪呢類人冇能力反抗，唔踩你踩邊個？完全反映人類欺善怕惡、講一套做一套、見高拜見低踩嘅思維

另外，幾乎所有人都只會一口咬定內向/毒L/隱青有問題，剩係識一味叫佢哋「唔好搵藉口」同「改善自己」，又x佢地「姓賴」，但從來冇人諗過點解佢哋會搞成咁，就算不停見社工都未必有用

我個人覺得父母絕對係重大因素囉好冇？試諗下，如果自細已經長期被貶低，就算你再努力，父母都仍然踩到你一無是處，無視你優點，不斷放大你缺點，係咁嘅情況下，試問邊可能會有自信？！

雖然未必人人有勇氣自殺，但如果係走投無路兼失去理性嘅狀態嘅話，話唔定真係明知死路一條都要迫住借財仔、貴利、賭錢博翻身，哪怕最後都係輸清光同欠債居多，為嘅只係唔想再俾人睇低，唔想再繼續睇人面色做人，話唔定所謂「病態賭徒」都係因為咁而形成，亦想反問下其實啲父母係咪真係想迫子女先安樂？！

越有學歷、經驗、地位嘅人往往會同同理心成反比，不過都難怪，始終針唔拮到肉唔知痛，睇怕只有少數過來人先會明

投稿六

年過廿五歲，得中六學歷、讀過毅進

因為自細性格好怕同人相處，所以讀毅進時頂唔順要分組做project而成日走堂，搞到出席率唔夠，後期連考試都冇去考

最後毅進冇畢業，晒咗屋企人好多錢，所以我亦冇面目同屋企人交代

期間就喺屋企瘋狂不安，隱蔽打機，麻醉自己，整整再空白咗六年，所以知識基本上冇乜增長，我就係大部分人眼中已經係冇得救嘅垃圾

雖然試過迫自己鼓起勇氣出嚟搵長工，而當想搵長工嗰陣就面對好大困難，我係諗住認真長做，唔係搵水泡，有自知之明，唔介意返通宵或者體力勞動嘅工作

不過見工嗰陣，佢哋第一句就問：「點解張form冇寫工作經驗？」

自問唔識講大話，所以我就如實答係屋企隱蔽，講埋原因係情緒出問題

我講完之後，睇佢地面口，就已經覺得佢哋唔會請我，本想表達下我真心想做，但其實都feel到佢哋覺得我唔正常，最後果然冇公司肯請

係咪多數公司都唔會揀有因情緒病空白多年嘅人？如果係因為純粹身體有病，又會否唔同睇法？係咪對情緒病或者隱青有偏見？覺得係性格缺陷、係唔積極、係廢人、係藉口？

投稿七

不過算L數，總之大眾就係正確，小眾就係錯誤

By the way，如果連呢啲問題都唔肯正視，好心呢個page就執柒佢啦！

投稿八

即管睇下你哋會唔會繼續河蟹呢啲深層次問題
.
都係嗰句，如果呢篇投稿都係照河蟹嘅話，即係話你哋根本冇心想正視呢啲深層次問題，咁呢個page仲留嚟有咩x用呀？！

投稿九

有提及到父母問題都叫冇關？！你哋都得㗎啦！

投稿十

大眾解決指出問題嘅小眾，咁問題自然唔存在

雖然你有權唔認同，不過奉勸你最好保得住自己飯碗先再講，因為今時今日除咗公務員仲有邊份工包你做一世先？！如果去到咁盡，話唔定有日中迴力鏢，我見過大把例子，到時咪怪人哋唔可憐你！與其企道德高地批鬥弱勢社群，不如諗下點保住自己飯碗好過啦！

Anyway，如果你肯定你老細一世都唔炒你嘅話，當然可以當呢番說話9up啦

投稿十一

忽發其想，記得早前大眾企道德高地屌年輕單親老母拎綜援買iPhone 11同養貓嘅行為係浪費納稅人錢，又屌個女主角冇必要用到iPhone呢啲「奢侈品」，即係唔係話撐個女主角

但不如又咁諗丫，個女主角搞成咁，相信佢自己都唔想，正所謂人言可畏呀，你估咁做真係貪馨香咩？！另外政府而家又「要求」市民裝《安心出行》先做到日常用到嘅服務，即係變相「迫」啲窮人買智能手機，加上智能手機又涉及咁多私隱資料，而iPhone安全性點都高過啲山寨機，咁係呢個情況下iPhone又點會唔係必需品呀？！

仲有想講，要企道德高地批判人好易，但試諗下俾著件事發生喺你自己身上嘅話，你又肯定自己唔會「有樣學樣」？！

又或者咁諗丫，如果有日你老細突然炒咗你，你失業後又咁不幸長期搵唔到新工，到時走投無路嘅話，話唔定都要迫住攞綜援喎？！如果你本身又係用開iPhone嘅話，咁話唔定到時就輪到你被大眾「誤會」，甚至屌你浪費納稅人錢㗎啦

如果係咁，只能話「迴力鏢效應」！更印證「凡事留一線」呢個道理係正確

再者，都係嗰句，今時今日除咗公務員仲有邊份工包你做一世？！而家幾乎間間公司都炒人，仲有嗰啲被炒嘅「受害者」原本都以為自己有份「好工」就「實食冇痴牙」，咁就想一世啦，點知老細突然話炒你就炒你，無啦啦一日之內一鋪清袋，原本心目中嘅「如意算盤」就咁冇晒，呢點亦證明咗就業根本唔係理所當然。咁當然你可以話有過來人可以好快憑學歷同經驗就順利搵到新工，但你又肯定所有人都會咁「有運」咩？

唉，原本重天真到以為啲人經歷咗近兩年武肺同裁員就會汲取到教訓，就會學識居安思危，點知一個二個仍然都係唔見棺材唔流眼淚，重以為就業係理所當然，真係冇得救！

既然講完都俾人當廢話兼on9嘅，咁唯有祝你好運啦！希望你喺你公司可以一世順風順水！

只要你處於最差最折墮嗰陣，基本上就能睇清人性幾咁醜惡，一沉百踩根本係家常便飯，不過如果你唔信嘅話，咪睇下你有事嗰陣，你身邊啲人同唔同你割囉？！

投稿十二

失業男扮工10年　按樓借財仔畀家用　社工指男士遇財困不願求助

呢單又係深層次問題，如果大眾（包括家人）唔係咁膚淺，而且肯理解包容嘅話，可能是次慘劇未必會發生

雖然大眾對賭徒嗤之以鼻，又屌佢哋累家人/子女，但如果你係弱勢社群嘅話，相信唔多唔少都唔會理解到賭徒心理都唔定，因為對於一啲食物鏈最底層嚟講，長期受大眾白眼已係不爭嘅事實，就算你想嘗試努力改變現狀都冇用

呢個情況好難唔心灰，甚至覺得自己瀕臨生死邊緣，喺呢個情況下即使明知死路一條都只能焗住借財仔/貴利賭錢博翻身，諗住奢望終有一日能連本帶利攞返自己失去嘅一切，從而塞住大眾把口，令大眾刮目相看，繼而唔使再睇人面色做人，但當然結果都係輸清光及欠下巨債，話唔定最後要迫住自殺

以上睇怕係弱勢社群寫照同結局都唔定，如果你有日失業話唔定都會搞成咁，唔知呢度有冇過來人理解到賭徒心理？

投稿十三

難得以下post有人講人話，不過算撚數啦，因為解決指出問題嘅人，杯葛小眾係常識吧

https://www.facebook.com/parentlicenses/posts/pfbid0NHozmg5wdaEeC8vph5YykstYcSjsH4cbx7JyUMDxaRrYRHvKFwrXgTxQFEojmed1l

留言節錄：
/////////////////////
或者在座都有唔少經歴過沙士時期，但會用當時同而家做對比其實係唔合理

而家嘅年青人焗住要再讀多四年書大學畢業，但份糧就無增長過，加上社會歧視同仇恨青年都好嚴重，同沙士相比，個疫情仲要維持咗三年，近幾年隱青問題嚴重咗，社會同政府都有好大嘅責任

作為青年人都講多兩句，自己讀過咁耐屎片，學到嘅價值觀，學埋嗰啲多方思考，通識科都係錯嘅，因為一句「放棄年青人」就已經摧毀唔少青年人心理關口

大佬，人工已經唔高，物價升到人工又追唔到，樓價直頭不敢想像，疫情關係，職場機會又少咗，仲要被國家針對，又無錢可以學人「躺平」喎，啲朋友唔係畀人拉咗就係移晒民

問心嗰句，作為而個年代嘅長輩，營造咗咁嘅環境，對得起班年青人嗎？再補充多啲，心理承受壓力大啲嘅會憤怒，心理承受壓力無咁高既可能都入咗墳墓，唔係因為佢哋比較脆弱，而係外在環境已經虐待到佢哋體無全膚

如果有心去幫而班年青人，先用同理心去接近佢哋再慢慢引導，一開始就塞個Solution俾佢只會造成更多嘅壓力

坦白講，我睇呢度嘅comment都幾心寒，唔知有幾多位為high而留言，定係真係缺少同理心，我真心建議咁多位去報讀學習下同理心課程，唔係迫死咗下一代又或者身邊嘅人就已經太遲了
/////////////////////

以上網友嘅留言亦再次印證越有學歷、經驗、地位嘅「正常人」就越冇同理心，完全係針唔拮到肉唔知痛，唔見棺材唔流眼淚嗰類，有啲甚至當正間公司自己有份咁，無良僱主唔見佢哋屌，反而屌鳩啲指出問題嘅人，出聲嘅人就無啦啦被妖魔化同被標籤為「叛亂分子」，從而令一直存在嘅深層次問題變成「冇事發生過」，繼而成功幫僱主/社會粉飾太平，而呢啲典型奴性思維亦難怪啲僱主會肆無忌憚壓榨打工仔甚至迫針，結果咪又係自己受返晒！所以話根本係共業嚟，完全唔抵可憐，只能話他朝君體也相同，見到咁其實都真係幾心涼！

投稿十四

以下金句啱晒大眾/家長睇：

1. 長相是上一代給的，教育是上一代定的，觀念是上一代教的，環境是上一代留的，居然還好意思說：一代不如一代
2. 好好活下去吧，因為每一天都會有新的打擊等著你
3. 你必須要十分努力，才會清楚自己的無能為力
4. 人生就是這樣，有歡笑也有淚水。一部分人主要負責歡笑，另一部分主要負責淚水
5. 真正努力過的人，就會明白天賦的重要。有些人努力了一輩子，就是從社會的四流擠入了三流
6. 以前跪着掙錢很少，於是我也模仿那些優秀的人，試着站起來，結果飯碗就丟了
7. 如果你覺得自己，整天累得跟狗一樣。你真是誤會大了，狗都沒有你這麼累
8. 有些人說，看負能量久了會變負面思考。我笑了，說得好像你在思考一樣
9. 有人說不要常抱怨，因為生活就是，如人飲水冷暖自知就好，我想問你被熱水燙到不會大叫嗎？
10. 如果擺錯地方，鑽石也會被當作石頭。但石頭不管擺哪，都還是石頭
11. 努力不一定會成功，但放棄一切會很輕鬆
12. 失敗並不可怕，可怕的是你還相信這句話
13. 只要我沒有道德，你們就綁架不了我
14. 媽媽說會笑的人運氣不會太差，基本上太差的根本笑不出來了
15. 今天不快樂沒關係，明天也會不快樂
16. 少壯努力了，老大一樣徒傷悲
17. 沒有父幹如同殘廢一樣，這樣的人只配進庇護工場
18. 有錢就是君子（正常人），沒錢就是禽獸（垃圾）
19. 只要肯努力，鐵柱必定磨成針，你也必定被人揸乾成為如針一般幼的乾屍
20. 錢不能買到快樂，是因為你不夠有錢
21. 機會係留俾有機會嘅人，喺邊度跌低，就喺邊度再跌低
22. 條條大路通羅馬？我就話條條大路通陰間
23. 人生起跑線，唔係出世一刻，係投胎一刻！
24. 生活就像被人強姦，反抗不了就要學會享受
25. 你的樣子如何，你的日子也必如何
26. 人只要活在世上，就會有好的事情發生，不過只限在別人身上，機會永遠不屬於你的
27. 人生就像在屙屎，有時你很努力，最後屙出只是屁
28. 錢不是萬能，因為你不夠有錢
29. 覺得自己一無是處嘅時候，要知道一個社會總要有你呢啲廢人墊底
30. 有時候不努力一下，不知道什麼叫絕望
31. 人生不如意事，長長久久
32. 希望在明天，所以永遠唔會係今日
33. 上天關了你一對門，必然會為你留一扇窗，目的是要你跳落去
34. 很多人都說我做人失敗是沒有努力，所以我決定好好努力想證明他們的看法是錯的
35. 天才是1%的天份加上99%汗水，但那1%的天份比99%汗水重要
36. 學識投資，不如學識投胎
37. 係咪有啲咩唔開心嘅事，講出嚟等我開心下？
38. 人生冇可能永遠走上坡，但有可能永遠都走下坡
39. 多勞多得，得到更多猝死的機會
40. 大家總說要跨出舒適圈，但我連跨都沒跨進去過
41. 每個人存在都有價值，而你的就只有利用價值
42. 不屬於你的，始終不屬你；屬於你的，也可以不屬於你
43. 出賣自己嘅靈魂同原則並唔可恥，可恥嘅係賣唔到個好價錢
44. 幸福唔係人人都有，但你一定冇
45. 如果努力係有用嘅話，就唔會有咁多窮人，亦唔會有人失業同攞綜援
46. 「中獎」經常在我身上發生，但只有壞的份兒

圖片來源@大時代
文章來源@無名氏、社會垃圾、弱者、Carson、Secrets、Dicky、凡事留一線、過街老鼠