一睇閉路電視,你認為走得甩咩?

#ParentLicenses1785

今日放lunch去連鎖超市(港島區)買午餐同零食,揀完準備去自助付款,排前面係一對母子

該母子推住手推車,上面都好多貨品,媽咪快手淨係嘟咗面頭幾件貨品,車仔底層嗰啲嘢冇拎過上嚟

仔仔(估計幼稚園高班)提醒媽咪講:「啲肉同埋啲罐頭未嘟」

媽咪有啲尷尬,周圍望咗望,即刻同仔仔講:「嘟咗啦!」

說畢,媽咪擒擒青拍卡俾錢走人

我覺得仔仔係白紙,睇得媽咪咁樣做,遲啲大個會唔誠實。又如果媽咪俾人即場發現冇付款而俾人捉到,仔仔心理陰影都幾大

其實人哋超市夜晚埋數,見到冇咗嘅貨同埋收入唔一樣,一睇閉路電視就冇得走

希望個媽咪能夠以身作則,唔好教壞小朋友

讀者投稿@冇打算有小朋友嘅港人

error: