#ParentLicenses1730

件事係咁嘅，當你趕時間嘅時候，真係最怕遇到啲人慢吞吞，真係會燥底

今朝出門搭?嘅時候，停咗去某個樓層，有個港媽先入?

隱約聽到後面有幾個腳步聲，步履慢吞吞咁，港媽就話：「快啲啦！」

未幾，個大嘅先入咗?，但仲有個細嘅喺度扭，港媽又話：「快啲啦！唔好阻住人！」

但係個細嘅依然都喺度扭，我有少少忍唔住，就講句：「你快少少得唔得？我趕時間」

聽畢，港媽先出一出?門去拖佢個細仔入?

終於都入咗?，差唔多落到樓下之際，個港媽有意大大聲咁樣講一句俾佢啲仔聽：「嗱！你哋好行開少少啦！讓開個?門俾人出！」

大仔：「咁我哋夠要出咯」

港媽：「人哋趕緊時間㗎！唔好阻住人吖嘛！」

其實大部分家長喺呢啲情況下，都會講句：「落先，我哋等第二架」

成件事真係令我有啲無語——你明知個仔麻煩，就抱住、拖住佢，並唔係你入咗架?，喺度阻生晒，仲要喺度串串貢囉！

憑一件好小嘅事係可以睇得出一個老母嘅品格

讀者投稿@KK