見人講人話,見鬼講鬼話

#ParentLicenses1726

忍唔住好想爆,冇利益關係,只係睇唔過眼想發洩吓,講完就算

我有個朋友真心難頂,佢老公同小朋友都慘(利申:兩公婆我都識,但係我識個老婆耐啲啲)。本來人哋家事我都唔應該理,但係我覺得成件事好過份

朋友K係香港人,佢老公M係法國人,嚟咗香港十幾廿年咁,生咗兩個女,而家都讀緊小學

K極度大使,成日買嘢,但係屋企租金、水、電、煤,仲有工人姐姐份糧都係由M出。以我所知,M返正職賺錢都唔夠用,週末仲要喺出面接嘢做幫補;反觀K就要出嚟同朋友聚會,多數掉低兩個女俾個M湊,結果有時M要湊住兩個小朋友開工,或者搞到深夜等K返到屋企,M先至可以出去做嘢

除咗出嚟聚會,就算喺K屋企時,我都好少見K理兩個女,多數都只係會見到M或者姐姐湊

我都問K:「點解你成日有時間出嚟?唔使陪小朋友咩?」

K:「老公會睇住兩個女,唔使我煩。我返到屋企都係玩電話,唔係點使理兩個女,老公會搞掂,好過俾佢咁得閒」

後來有次K同我講,原來M之前有提出過想離婚,但係佢就話已經同朋友、屋企人講晒,打定底——如果M提出離婚,佢哋全部會夾口供話M出軌,令M攞唔到撫養權

M最緊張兩個女,好怕離婚之後會見唔到佢哋,結果離婚呢件事不了了之

K成日曬命自己有個鬼佬老公,我都唔明有乜嘢好曬。K仲話自己去學法文,但係每一次聚會都唔會見佢同佢老公講法文,淨係同我哋講廣東話,又叫我哋放低啲仔女俾佢老公睇住就得

K當M阿四咁,我望到都慘,所以我每次都自己睇住個女,但有時我個女想同其他小朋友玩,我就會俾佢哋去

另外,本來都唔想講政見,人人都有立場唔緊要,但係呢個女人係變色龍,見人講人話,見鬼講鬼話,一時話自己係呢邊,一時就嗰邊

K一直都反「email」,所以自己同兩個女冇打,而M因工作關係晨早打咗。K一直話就算學校迫佢兩個女打都唔會,因為信唔過「email」,話擔心兩個女安全

直到最近佢突然打咗,仲帶埋兩個女去打,我覺得幾突然就問佢點解

K:「8月全家要去法國所以打,我打完即刻去咗啲診所話可以幫人去除『email』就除咗,所以我而家係乾淨嘅」

我就唔知佢有冇帶兩個女去除「email」,但就覺得如果係擔心兩個女,咁點解你又會突然帶兩個女去打,又會冒險帶佢哋出國?另外,咁難得終於有得返學,點解又要小朋友請假?成年事好似好慘咁,真心睇唔出有幾錫兩個女

我都有家人喺其他國家,對上一次帶仔仔探佢哋都已經係19年8月,但到而家都仲係未敢出國住

讀者投稿@C9一名

error: