#ParentLicenses1703

喺連登見到呢篇文，我都係受害者之一，忍唔住要出聲！

起初因為見佢成日賣廣告，又聽聞好多媽媽搵佢，而且見唔到有任何負評，諗住應該都得啦，點知結果揼幾千蚊貼錢買難受！最慘係我開頭仲勁內疚，覺得係自己做得唔好，點知後來至發現好多媽咪都中招 ???

///////連登原文///////
（以下為小編之修訂版本）

我BB喺4個月大嗰時，我參加某專家顧問（後稱C）嘅一對一睡眠訓練，俾咗$4288，感覺超差，俾錢虐待成家人咁，好後悔！

1. 要睇C啲片，片入面嘅內容我可以上網/睇書都識

C完全冇教我BB喊到點時要俾咩安撫佢，全程只係要媽媽堅持

WTF?! 我個仔係唔會點嘔，除非病或者過飽，連初生都冇點嘔，但跟咗佢方法後，晚晚喊到嘔！

2. 每日不斷填時間表，要嚴格跟從C嘅時間表，多咗或少咗又話唔啱之類。

其實BB唔係機械人，冇理由所有BB都要跟到一模一樣㗎喎。我知，C話幫過唔知幾多個香港家庭，但我都知好多個家庭都話C唔得！

3. 不斷被C話間房唔夠黑、BB唔夠飽，佢要未夠6個月嘅BB用輔食替到一餐。情況係BB未做到，C就覺得要我哋做到

當我哋係行BLW，或者全埋身餵母乳，C就要我哋放棄自己嘅諗法，要跟佢做法。結果因為BB抗拒，更加弄巧反拙

後來喺我哋冇跟從C之後，小睡即使有光，甚至BB未食飯都可以瞓得好好

4. C經常無視我提出嘅問題，然後用佢機械式答法答我

我話：「BB喊到嘔喎，BB出世到而家絕少嘔奶，係咪有其他做法呢？」

C答：「媽媽要堅持，呢個已經係好溫柔嘅做法喇（下刪……）」

咁即係冇答過我，C嗰啲方法我睇書都識啦，我唔係要書本答案，我係要一個實際可行喺我BB身上嘅方法
///////連登原文///////

讀者投稿@另一名受害媽咪