#ParentLicenses1608

今日有個媽咪帶個小朋友嚟睇醫生，個小朋友有發燒、咳同流鼻水

佢哋睇完醫生後，一路等拎藥嘅同時，個媽咪就一路講電話

佢喺電話中同友人講：「醫生好衰，唔肯寫紙俾佢返學，又唔諗下我又要返工，點樣照顧到個小朋友！？」

再續道：「我老爺奶奶唔識湊小朋友，係唔會交俾佢哋照顧」

隔多陣，我聽到佢打去另一間診所同佢小朋友落booking

未幾，到出完藥俾佢，佢都叫我問多次醫生寫唔寫紙證明到佢小朋友可以返學

我就同佢講：「小朋友病咗就俾佢留喺屋企休息，同埋佢有發燒、咳、流鼻水，好容易傳染俾另一個小朋友㗎」

點知換嚟一句：「關你x事！」

真係唔明點解世界上有啲咁自私嘅人？就算佢去其他診所，都唔會有醫生寫證明信俾佢小朋友返學🤷🏻‍♀️

圖片來源@黃子華棟篤笑-拾下拾下
讀者投稿@姑娘一個