屎尿屁係我,賴尿嘔奶拖地換屎片都係我

#ParentLicenses1583

睇到有關小朋友上興趣班期間痾屎的post後,都想分享下我的經驗

我以前在某大型連鎖英文education centre 做Centre Manager。由於鋪頭細,公司唔容許請嬸嬸長駐centre,所以centre前線及後勤大致上得我一人負責

簡言之,小朋友的屎尿屁都係我,賴尿嘔奶拖地換屎片都係我

講起屎,有兩件事情令我比較難忘的

Centre 其實有廁所,基本上5歲以下,不論男女,我都會陪佢哋去廁所。如果有常識的家長,都會先帶小朋友去廁所後再上堂,但亦有懶到仆街的工人姐姐,如下:

事件一
嗰位小朋友2歲半,未戒片,上堂前姐姐同佢入廁所
.
由於小朋友都細,老師都有時handle唔到,所以我都會入課室睇下、陪下,加上外國人老師好隨意,我廢事小朋友整親

當時我一入課室都聞到有啲屎味(我個鼻比狗仲靈),但阿老師話聞唔到。然而上堂上到一半,陣味愈來愈勁,有小朋友示意佢褲濕咗,係濕到褲側流出嚟咁

我即刻帶佢去廁所清潔。一打開真係想嘔,屎尿混合一大泡,一路清潔一路反胃,嗰陣味永世難忘。但我都有幫小朋友洗返褲仔,換片,同提供centre後備褲佢著

放工後嗰晚係食唔落飯……我好肯定,當時上堂前,個工人姐姐係自己借廁所用,無幫小朋友換片

落堂都有同返家長講「條褲污糟咗」「包起咗」等等,但都無人會多謝你,不過多唔多謝我都會做,因為小朋友無辜

事件二
個小朋友6歲左右,公主病,上上下堂話要痾屎。都已經係6歲女,我由佢自己去,但我會企廁所門外等佢,驚佢有咩事

佢痾前大叫:「我想poopoo!」
我:「咁你咪痾!」
(因為佢公主病,所以我都對佢比較嚴,唔會氹佢)
佢:「但我唔想抆屎!」
我:「點解?」
佢:「因為好污糟!唔想掂到!你幫我抆!」
我:「你咪唔好痾!你抆就污糟?我就唔會污糟㗎?」
佢:「屋企都係媽咪幫我抆!我好急,我要痾屎!」
我:「我唔會幫你抆!你6歲啦,你一係自己抆,一係唔好痾!你如果得3, 4歲我幫你抆無問題,你唔係唔識,你只係唔想抆!」
最後佢話唔痾出返來

不過做education centre真正需要教育嘅,並唔係小朋友,而係家長

圖片來源@回魂夜
讀者投稿@C jj

error: